18 нче декабрь көнне Актанышта 5-6 класс укучылары арасында "Математик карусель" ярышлары булып узды. 6 нчы класстан Вәҗиев Рамил, Хөрматуллин Рөстәм, Шакирова Эльвина составындагы команда уңышлы чыгыш ясап, 5 нче урынны алдылар. (җитәкчеләре: Гыйльфанова А.)

Татар теле буенча республика олимпиадасының муниципаль этабында 10 сыйныф укучысы Хөрмәтуллина Гөлназ Роберт кызы (җитәкчесе - Нуриева Ә. Г.) призлы урынга лаеклы булды.

13 нче декабрь көнне районда "Чаңгы ярышы буенча кышкы сезонны ачу" ярышлары булып узды. Безнең мәктәптән Фаррахов И. (7 класс), Яппарова А. (10 класс), Латыйпов Р. (9 класс)  Исхаков Р. З. җитәкчелегендә  уңышлы чыгыш ясадылар. Зур рәхмәт аларга. 

13 нче декабрь көнне мәктәпнең актлар залында гомуми ата-аналар җыелышы булып узды. Җыелыш барышында, мәктәп директоры А. Ш. Рахманов, тәрбия эшләре буенча директор урынбасары Р.Р.Гайсин, психолог  Н.Х. Хаҗиева, класс җитәкчеләреннән Ә.Г. Нуриева һәм ата-аналар чыгыш ясады.

19 нчы декабрь көнне район үзәгендә инглиз теленнән лингвистик конференция узачак. 

Ниһаять, балалар өчен дә, өлкәннәр өчен дә елның иң көтеп алынган бәйрәме - Яңа ел якынлашып килә.

Мәктәптән соң балалар үзләренең буш вакытларын компьютер алдында үткәрергә ярата, ләкин бу очрак безнең авыл балаларына туры килми. Чөнки алар мәктәп яны шугалагына тимераякта шуарга, хоккей уйнарга йөриләр. 

Укытучы шәхесе төрле яклап камилләшергә, туктаусыз үз белемен арттырып торырга тиеш. Шул уңайдан, 8 нче декабрь көнне мәктәп коллективлары СанПед укуларын узып кайттылар. Кабинетларыбызны ничек дөрес итеп яктыртырга, укучыларыбызның сәләмәтлеген саклау кебек темалар каралып узды.

Такталачык мәктәбендә горурланырдай укучылар бик күп. Шушы көннәрдә безнең мәктәп укучысы Габдуллина Энҗе географиядән муниципаль олимпиадалар турында җиңүче исеменә лаек булды. (Укытучысы Н.Х.Хаҗиева)

Инвалидлар ункөнлеге уңаеннан Такталачык урта мәктәбе коллективы җирлегебезнең мөмкинлеге чикләнгән авылдашларыбызны котлап узды.