29 майда Халыкара балаларны яклау көне һәм Татарстанда пионериянең 90 еллыгы уңаеннан XVII район талантлы балалар фестивале узды. Фестиваль тантаналы линейка белән башланып китте. Линейкадан соң "Талантлар территориясе" уены башланды. Анда безнең укучылар тапкырлыкларын, осталыкларын, җитезлекләрен күрсәтеп, станциядән станциягә йөреп биремнәрне үтәделәр һәм "Эрудит XXI века" номинациясендә җиңүче булдылар. Уеннардан соң, балалар, район мәдәният йортына талантлы балалар концертын карарга җыелдылар. Ул концертта безнең укучыларыбыз Яруллина Гөлинә һәм Халилова Зәринә бик уңышлы чыгыш ясадылар. Концерт барышында район һәм республика конкурсларында актив катнашкан мәктәпләрне һәм җитәкчеләрне билгеләделәр. Безнең мәктәп III урынны алды һәм "Оста куллар" түгәрәге җитәкчесе Бәйрәмова Ф.К. диплом белән бүләкләнде. 

Бүген мәктәптә иң тантаналы һәм истәлекле көннәрнең берсе. Чыгарылыш сыйныф укучылары өчен урта мәтәпне тәмамлап, зур тормышка, олы дөньяга атлаган көннәрнең гаҗәп матур да, тыңгысыз да, сокландыргыч та һәм авыр да булуын искәртеп тора кебек.

Саубуллашу вакыты җитте менә,

Дәреслегем, язу дәфтәрем,

Парталарым, класс бүлмәләрем,

Укытучым, сөйгән мәктәбем.

        Кире кайтмас өчен үтте инде

        Балачагым, үсмер елларым,

        Беренчедән унберенчегә хәтле

        Үткәрдек күк бер ел нибары.

23 майда Актаныш муниципаль районында "Гамил Афзал" дип исемләнгән гомуми урта белем бирү йортларында укытучыларның II Республикакүләм фәнни-эзләнү конференциясе булып узды. Ул укуларда мәктәптән ике укытучыбыз катнашты: татар теле  һәм әдәбият кукытучысы Әхмәтҗәнова Илсөя Ринат кызы "Бәхет балкыр заман, ә мин ятып язам..."  фәнни-тикшеренү эшендә язучының 1950-60 еллар иҗатында шигъри сурәтләр төрлелеген ачыклап һәм башлангыч сыйныф укытучысы Зарипова Роза Рафик кызы "Балалар әдәбиятында атлар темасы" белән чыгыш ясап, икесе дә,  җиңүче дипломына лаек булдылар.

Мәктәп яны территориясендә 1-11 сыйныф укучылары  агач утырттылар...

Чаллы шәһәрендә узган "Алтын куллар" дип аталган республикакүләм иҗади конкурска йомгак ясалды. 7 сыйныф укучысы Садыйкова Энҗе һәм 10 сыйныф укучысы Хаметшина Зөхрә, үз яшьләрендә, икесе дә, 3 нче урынны яуладылар. Укучыларга һәм җитәкчеләре Бәйрәмова Ф.К. га уңышлар телибез.

14 нче майда районда һәр елны уза торган "Безопасное колесо" ярышы узды. Ярышта 5 сыйныф укучылары Галимова Нәргиз, Мустафин Рифат, Насыйбуллин Риназ, Шубина Алёна уңышлы гына чыгыш ясап кайттылар. Нәтиҗәләрен көтәбез. Уңышлар сезгә!

Менә быел да сугышта һәлак булган авылдашларыбызның истәлегенә куелган һәйкәл янына укучылар, укытучылар, кайткан кунаклар, авылдашлар җылдык. Митингны гадәттәгечә авылыбызның җирле үзидарә рәисе Зарипов Рашат Әбебәкер улы котлау сүзе белән башлап җибәрде. Аннан соң сүз мәктәп укучыларына бирелде. Аларның чыгышы бәйрәмнең күрке булды. Еллар имин булсын дигән теләктә таралыштык.

22-24 апрельдә Алабуга шәһәрендә 1997-2000 елгы балалар арасында бадминтон  буенча Спартакиада булып үтте. Анда безнең мәктәптән 8 сыйныф укучысы Зарипов Алмаз И. катнашты. Ул ике тапкырында да парлы уенда 3 нче урынны яулады. Безнең район гомумкомандасы 3 нче урынны яулап кайтты. Алда да уңышлар телибез.

Мәктәптә Космонавтика көненә багышланган рәсем конкурсына нәтиҗә булды. Башлангыч сыйныф укучылары арасында: 1 нче урын    Ахметзянов Фәнзил 3 кл.

                         2 урын        Махмутов Риналь     3 кл

                         3 урын        Ахметзянов Азат      3 кл.

                                             Галимов Илназ        3 кл.

Урта сыйныфларда:  1 урын    Зарипов Булат     6 кл.

                                                         Галимова Нәргиз    5 кл.

                                         2 урын    Садыйкова  Энҗе    7 кл.

                                         3 урын    Махмутова Ләйсән    6 кл.

                                                         Ахметзянова Гөлназ   9 кл.

12 апрель - Космонавтика көне. Бу көнне 1961 елда планетаның беренче космонавты Юрий Гагарин "Восток" корабында галәмгә очкан. Шушы көнне без мәктәптә һәр елны билгеләп үтәбез. Чара барышында укучылар видеофильм , презентация карап викторина сорауларына җавап бирделәр. Физика укытучысы Халилова Ф.З. космонавтика өлкәсендәге казанышлар турында сөйләде.  Космонавт булу өчен физикадан белемнәрнең төпле булуы турында ассызыклады. Чөнки күп кенә малайлар кечкенәдән косманавт булырга хыяллана.