Казанда бадминтон ярышларының финалы узды. Анда 300 дән артык кеше катнашты. Шулар арасында безнең укучыларыбыз Мустафин Рифат һәм Зарипов Алмаз көч сынаштылар. Алмаз 15 нче, Рифат 5 нче һәм парлап уйнауда 4 нче урынны яулап кайттылар. Егетләр сезгә алда да уңышлар теләп калабыз.

Зарипова Гөлсем Рәшит кызы 14 декабрьдә Татарстан Республикасы милли музееның кремельдәге Бөек Ватан сугышы музей-мемориалендә  "Татар халкының бөек шәхесе" исеме астында уздырылган фәнни-гамәли конференциясендә катнашып, чыгыш ясап рәхмәт хатына лаек булды.

Бадминтон ярышларында безнең укучыларыбыз сынатмадылар. Районда узган ярышларда 5 сыйныф укучысы Мустафин Рифат һәм 9 сыйныф укучысы Зарипов Алмаз, икесе дә 2 нче урынны яуладылар. Зонада узган республикакүләм үзәк Лига чемпионатында Рифат 2 нче һәм Алмаз 3  нче урынга лаек булдылар. 15-16 декабрьдә  алар Казанда узучы  Республикакүләм бадминтон ярышында көч сынашачаклар.  Аларга һәм тренеры Галимов Илгиз Нургалям улына уңышлар телибез. Җиңүләр белән кайтыгыз, егетләр! 

8 декабрьдә К. Тинчурин исемендәге татар дәүләт драма һәм комедия театрында милли классик драматургиянең Кәрим Тинчурин  исемендәге VI республика театр фестивале булып узды. Бу фестивальдә республикабызның төрле районнарыннан 400 дән артык укучы катнашты. Безнең мәктәптән дә шушы конкурста 3 укучы үзләренең сәләтләрен күрсәттеләр.  8 сыйныф укучысы Халилова Зәринә "Мәдрәсәдә беренче көн" хикәясеннән өзек һәм  6 сыйныф укучысы Хайбуллин Рифат "Зәңгәр шәл" дән Ат карагы образын сөйләделәр. Бу фестивальдә катнашу укучыларга бик зур тәҗрибә  бирде. Аларга һәм җитәкчеләре Ахметзянова Илсөя Ринат кызына уңышлар теләп калабыз.   

Милли классик драматургиянең Кәрим Тинчурин исемендәге VI республика театр фестивалендә 10 сыйныф укучысы Хаметшина Зөһрә (җитәкчесе Бәйрәмова Ф.К.) дә катнашты. Ул К.Тинчуринның "Зәңгәр шәл" спектакленнән бер өзеккә макет бәйләде. Аның бу эше югары бәяләнде. Зөһрә "макет" номинациясендә III  урын яулады һәм диплом белән бүләкләнде.  Зөһрәгә һәм аның җитәкчесенә алда да уңышлар телибез. Афәрин!

Коррупциягә каршы көрәш атналыгы уңаеннан мәктәптә рәсем конкурсы узды. Рәсем конкурсында актив катнашкан укучылар билгеләнде. Алда да укучыларыбызның төрле конкурсларда актив катнашуларын теләп калабыз.

Коррупциягә көрәш атналыгы уңаеннан 7 сыйныфта "Россиядә коррупция" дигән тема астында сыйныф сәгате узды.

Коррупциягә көрәш атналыгы уңаеннан мәктәптә сыйныф сәгатьләре уза. Бүген 4 сыйныфта "Минем исемем коррупция" дигән исем астында сыйныф сәгате узды. 

3 сыйныфта  "Гадел булу һәм дөреслек - кешелекнең иң мөһим сыйфатлары" дигән темага сыйныф сәгате узды.

"Халык үрнәкләре" дип аталган район конкурсына 7 сыйныф укучысы Садыйкова Энҗе (җитәкчесе Бәйрәмова Ф.К.) халык уенчыкларын әвәләп җибәрде. Аңа уңышлар теләп калабыз.