7 сыйныф укучысы Асфандиярова Алисә "Детство без границ" дип аталган XV халыкара конкурсның район этабында 1нче урынны алып, республика этабына чыкты. Алда да сиңа уңышлар телибез.  

22 марта на базе гимназии №140 г. Казани состоялась VI Республиканская научно-практическая конференция "Практика и тенденции социального партнерства в системе "Школа - СПО-ВУЗ"" ("НМК КНИТУ - 2013"). Наша ученица Хаметшина Зухра (рук. Сайфутдинова А.Н.) выступила в секции "Национальные литературы и языки в мировом контексте" на тему : "Положительные герои татарских, русских, немецких народных сказок".  Зухра награждена Дипломом III степени. Молодцы!   

24  мартта Гимаева Гүзәл һәм Шәмсетдинов Зөфәр Казан  (Идел буе) федераль университетының Тарих институты оештырган Татарстан Республикасы һәм татар халкының тарихы һәм мәдәнияты буенча укучылар конференциясендә катнашып кайттылар. Алар “Минем кече Ватаным” исемле тикшерү эше белән уңышлы чыгыш ясадылар һәм диплом белән бүләкләнделәр.

22 мартта 1 нче район  мәктәбендә "Звонкий колокольчик" дигән музыкаль конкурс узды. Бу конурста безнең мәктәптән 6 сыйныф укучысы (солист) Хайбуллин Рифат ,  8 сыйныф укучысы (дуэт) Халилова Зәринә һәм 9 сыйныф укучысы Яруллина Гөлинә (җитәкчеләре Асфандиярова Г.Н.) катнашып, 3 нче һәм  1 нче урыннарны яулап кайттылар.  Котлыйбыз!

21 мартта мәктәптә "Китапханә - халкыбызның культурасын һәм традицияләрен саклаучы" дигән тема астында китапханәчеләр семинары узды. Китапханәче Асфандиярова Г.Н. үз чыгышы һәм 7 сыйныф укучысы Асфандиярова Алисә  "Гаиләнең истәлекле әйберләре"  презентациясе бу теманы ачып бирде.  5 сыйныф укучылар белән әзерләнгән "Көтү каршылаганда" дигән фольклор семинарны тагын да тулыландырды. Килгән кунаклар да  үзләренең эшләре белән уртаклаштылар. Семинар уңышлы узды.

Юеш Көрнәле авылы мәдәният йортында сәләтле яшьләр һәм өлкәннәр арасында "Татар җыры - 2013" бәйгесе узды.  Бу бәйгедә безнең мәктәптән 3 кеше катнашты һәм аларның нәтиҗәләре дә бар. 7 яшьтән алып 12 яшькәчә булган балалар арасыннан Хайбуллин Рифатыбыз 3 нче урынны, 13 тән алып 17 яшькә кадәрге категориядә Халилова Зәринә дә 3 нче урынны һәм өлкәннәр арасыннан техник хезмәткәребез Назлыгөл Айткулова 2 урынны яулап кайттылар.  Моңнары, җырлары белән киләчәктә дә сөендерсеннәр, аларга уңышлар телибез.  

13 мартта мәктәптә укыту-тәрбия эшләре буенча директор урынбасарлары семинары булып узды. Семинарның темасы:  "Педагогик кадрларның эзләнү эшләрендә компетентлыгы сәләтле балалар белән уңышлы эшләү факторы".  Укыту-тәрбия эшләре буенча директор урынбасарларына 10 сыйныфта биологиядән "Җенес генетикасы" (укытучы Хаметшин М.З.), 8 сыйныфта татар теленнән "Т. Миңнуллин драматург, депутат һәм җәмагать эшлеклесе" (укытучы Әхмәтҗанова И.Р) дигән ачык дәресләр һәм эзләнү эшләренең презентацияләре күрсәтелде. Семинар эше нәтиҗәле һәм уңышлы узды.

Хөрмәтле хатын-кызларыбыз!

      Сезне чын күңелдән язның беренче бәйрәме 8 март белән тәбрик итәбез. Сезгә исәнлек-саулык, озын гомер, эшегездә һәм укуыгызда уңышлар телибез.

     Күңелегездә сезнең кояш яна,

     Нурлы йөзегездә - яз яме.

     Җирдә яшәү җырга әверелсен,

    Котлы булсын 8 март бәйрәме. 

1 мартта укучылар арасында "IT - чемпион" дип аталган республикакүләм конкурсның 1 нче этабы башланып китте. Бу конкурста республика мәктәпләренең 1-11 нче сыйныф укучылары катнаша ала.

Бу конкурсның максаты: дәүләт һәм муниципаль  хезмәтләрне халыкка электрон формада күрсәтүне популярлаштыру.

Конкурс ике номинациядә уза:

1. Иң актив укучы.

2. Дәүләт һәм муниципаль хезмәтләр порталын үстерү.

Бу конкурста җиңү өчен, ничек булса да күбрәк кешене, әти-әниләрне, әби-бабайларны, күршеләрне, дүләт һәм муниципаль хезмәтләрне электрон формада кулланырга өйрәтү 

1 нче мартта АСОШ № 2 КВН ярышлары узды. Безнең мәктәп командасы 2 нче урынны яулады. Команда җитәкчесе 10 сыйныф укучысы Халилов Рәфис "Прорыв года" номинациясе Дипломы белән бүләкләнде.  Алда да уңышлар телибез.