Бүген  "Россия ел укытучысы-2017" профессиональ бәйгесенең муниципаль туры узды. Безнең мәктәп данын яклап, башлангыч сыйныф укытучысы Хайбуллина Г. К. чыгыш ясады. Ул "Мин-укытучы" дигән исем астында үзпрезентация ясады һәм "ФГОС шартларында дәресләрдә алдынгы  педагогик технологияләр куллану. " темасына мастер-класс күрсәтте. Аның эше жюри тарафыннан уңай бәяләнде. 

Бүген мәктәптә "ФГОС шартларында метапредмет нәтиҗәләргә ирешү юллары" дигән тема астында укытучылар коллективының чираттагы педсовет  утырышы булып үтте. Утырышта  2 нче чирек йомгаклары, 3 нче чиреккә бурычлар, сәләтле балалар белән эш торышы мәсьәләләре каралды. Башлангыч сыйныф укытучысы Хайбуллина Г. К. "Укучыларның метапредмет компетенцияләрен формалаштыруда системалы- эшчәнлек  алымы куллану" дигән темага эшлекле уен үткәрде. 

 Укучылар чаңгы ярышында катнаштылар. Насыбуллин Ә.Ф. беренчелекне яулады

Күзләрдә бәхет елмая,

Ә шатлыкка чама юк.

Без биибез һәм җырлыйбыз

Бездә бүген Яңа ел!

Яңа елны каршылау максатыннан укучылар  мәктәп каршында  тырышып кардан сыннар ясадылар.

Бүген һәр сыйныфта СПИД ка  халыкара көрәш уңаеннан тәрбия сәгате үтте.Укучыларга кешелеккә наркомания, токсикомания, СПИД кебек афәтләрнең ничек  куркыныч булуы аңлатылды; статистик мәгълүматлар белән таныштырылды; Ихтыяр көче булу, кешегә иярмичә- үз җавабыңны төгәл  әйтә белү өстендә эшләнелде.

Бөек драматург, артист, режиссер Кәрим Тинчуринның  129 яшьлегенә,татар театрының 110 еллыгына багышланган VIII халыкара театр бәйгесендә катнашып, 7-9 сыйныф укучылары республикада финалга чыктылар.Аларны котлыйбыз!

Бүген мәктәптә "Иң-иң" исеме астында Аналар көне уңаеннан  бәйрәм оештырылды.Бәйрәмгә барлык әниләр дә килделәр.Балалар үз чиратында әниләренә карата хөрмәтләрен җыр-шигырь аша белгерттеләр,әниләрнең тапкырлыгына һәм зирәклегенә уеннар оештырылды.Бәйрәм чәй табыны артында  үтте.

Бүген мәктәптә "Татар теле һәм әдәбияты дәресләрендә ФДББС тормышка ашыру шартларында универсаль уку гамәлләрен формалаштыру" темасы астында район семинары үтте.Татар теле укытучысы Насыбуллина Г.С. 5 һәм 6 нчы сыйныфта ачык чара күрсәтте.

Бүген һәр сыйныфта "Уңышка юл" программасы буенча ата-аналарга укыту үткәрелде.Ата-аналар анкета тутырдылар, соңыннан бәяләү үтте.