Бүген  ОП"Салман"  янгын бүлеге командиры Хәлиуллин Р.Р. башлангыч сыйныфларда дәрес үткәрде.Аларга   бозда куркынычсызлык кагыйдәләрен үтәү буенча  язылган памяткалар таратты.

27.10.16-30.10.16  вакыт аралыгында "Интернет челтәрендә куркынычсызлыклар"  Бердәм дәресе үтте. Исеменнән үк күренгәнчә, мондый дәресләрнең төп максаты – балаларга интернет аша янаган куркыныч турында аңлату. Укучыларга “Зыян китерә торган программалардан саклау”, “Социаль челтәрләрдә аккаунтлар куркынычсызлыгы”, “Онлайн-түләүләр үткәрүдә куркынчсызлык”кебек темаларга дәрес үткәрелде Шулай ук укучыларның балалар һәм яшүсмерләр өчен цифрлы грамоталылык буенча  Халыкара “Сетевичок-2016” квестында катнашуы оештырылды.

27.10.16  көнне 4 нче һәм 6 нчы сыйныф укучылары татар теленнән тестлаштыру үттеләр.

 Укытучы Хәлиуллина Р.Г, Зәләлетдинова Д.И.  5-6 нчы сыйныф укучылар белән  "Нәрсә? Кайда? Кайчан?" исеме астында  математик кичә үткәрделәр.Укучылар белемнәрен сынадылар.

Бөек драматург, артист, режиссер Кәрим Тинчуринның  129 яшьлегенә,татар театрының 110 еллыгына багышланган VIII халыкара театр бәйгесендә катнашып, татар теле һәм әдәбияты укытучысы Насыбуллина Г. җитәкчелегендә 9 нчы сыйныф укучылары "Казан сөлгесе"н куеп, I урынны яуладылар.Ә хәзер алар республика бәйгесендә катнашырга әзерләнәләр.

 14.10.16- Балалар иҗат йортында өлкән укучылар советы утырышы булды.Анда бу уку елына эш планы кабул ителде,девиз һәм җыр сайланды.Безнең мәктәптән  9 нчы сыйныф укучылары Насыбуллина Ә.Р.,Ахметшина Л.Н. катнашты.

8 нче октябрь көнне Балалар иҗат йортында укучыларны  ЮНАРМИЯ челәр рәтенә кабул итү булды.Безнең мәктәптән дә укучылар бу тантанада катнаштылар.

Бүген  мәктәптә  "Әбием-алтыным" исеме астында бәйрәм кичәсе үтте.Укучылар  өлкәннәрне хөрмәтләп концерт күрсәттеләр.Бәйрәм чәй табыны артында дәвам итте,

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара.Безнең мәктәп коллективы авыл күләмендә оештырылган бәйрәмдә үзләренең чыгышлары белән мәдәният йортындагы чарада катнашалар

Бәйрәм белән  сезне ,Өлкәннәр!

Бүген мәктәптә "Укучының  мәдәни көндәлеге"  проекты эшен дәвам итү максатында  Бердәм Дәрес үткәрелде. Башлангыч сыйныф укучылары Татарстаныбыз буйлап  кызыклы виртуаль сәяхәткә чыктылар,  күренекле урыннар белән таныштылар, кызыклы уеннар уйнап, табышмаклар чиштеләр. Дәресне башлангыч сыйныф укытучылары Вәлиева Г. С., Хәйбуллина Г. К. авылыбыз китапханәчесе Гарипова Г. С. белән бергәләп үткәрделәр.