Китапханәче Ибрагимова Сиринә бөек шагыйребез Габдулла Тукайның 130 еллыгы уңаеннан күргәзмә оештырды. Бу эчтәлекле күргәзмәдә шагыйрьнең балачагы, тормыш юлы, иҗаты белән танышырга мөмкин. Чара укучыларда зур кызыксыну уятты.

18 апрель-Дуслык көне. Мәктәптә һәр сыйныфта дуслык дәресләре үтте. Башлангыч сыйныф укучылары "Нәрсә ул дуслык?", "Дус нинди була?" сорауларына җавап эзләсә, 6-9 нчы сыйныфларда исә дуслык турында әңгәмәләр  бик җанлы үтте. 

12 апрель -Космонавтика көне. Моннан 55 ел элек "Восток" кораблендә Юрий Алексеевич Гагарин беренче тапкыр космос киңлекләренә очты. Ул 108 минут дәвамында Җир шары тирәли бер әйләнеш ясап исән-сау җиргә төште. Безнең укучыларыбыз арасында  шул уңайдан  рәсем конкурсы оештырылды. Башлангыч класс укучылары аеруча активлык күрсәттеләр.

13 апрельдә мәктәптә 9 нчы сыйныф укучылары Бердәм республика имтиханына әзерләнү максатыннан диагностик тест эшләделәр. Аларга уңышлар телик!

Мәктәптә коррупциягә каршы төрле чаралар үткәрелә.Укучылар тарих, җәмгыять дәресләрендә, класс сәгатьләрендә бу турыда күп мәгълүмат алалар. 6-9 класслар өчен  шушы темага кагылышлы төрле сөйләшүләр, "БДИ һәм коррупция", "Коррупцияне ничек булдырмаска", "Нәрсә ул коррупция" темаларына класс сәгатьләре үткәрелде. Башлангыч класс укучылары арасында "Нәрсә ярый, нәрсә ярамый" темасына әңгәмәләр үткәрелде.

7 апрель-сәламәтлек көнендә мәктәптә "Без ГТО га әзер - берләшегез" дип исемләнгән Бөтенроссия акциясе кысаларында спорт бәйрәме узды. Барлык укучылар да актив катнашып үзләрен спортны сөючеләр итеп таныттылар. Молодцы!

23 марта в нашем районе была проведена спартакиада по летним видам спорта среди работникоа образования. Учителя нашей школы тоже активно участвовали. Воспитатель ГПД Резчикова Н.В. заняла 1 место по видам "Прыжки в длину с места" и "Бег". Поздравляем! Так держать!

22 марта в ЦДТ "Сэлэт" прошёл конкурс- муниципальный этап Республиканского конкурса "Замечательный вожатый". Из нашей школы активно участвовала ученица 8 класса Нуртдинова Алия.

Һәр яз мәктәбебез укучылары канатлы дусларыбыз килүен түземсезләнеп көтәләр.Алар кошларны оялар ясап каршы алалар. Быел да  күп укучылар тырышып  сыерчык оялары ясадылар. Башлангыч сыйныф укучылары аеруча актив булдылар.

Мәктәптә  "Бөтенроссия финанс грамоталылыгы атналыгы" кысаларында классларда "Гаилә бюджеты", "Мин акча тота беләмме", һ.б темаларга класс сәгатьләре уздырылды. Укучылар актив катнаштылар, үз фикерләре белән уртаклаштылар.