22 март көнне мәктәптә ата-аналар җыелышы булып узды. Җыелышка авылыбызның фельдшеры Абдуллина Гөлинә чакырылды. Ул ата-аналарны туберкулезга каршы профилактик чаралар белән таныштырды.

Эшмәкәр Фәнис Галәтдинов 27 февральдә Олы Бакырчы мәдәният йортында бильярд ярышы уздырды.Бу ярышта безнең мәктәп укучылары да теләп катнаштылар һәм призлы урыннар яуладылар. 9 нчы сыйныф укучысы Раиль Назмеев 1 нче, 6 нчы сыйныфтан Гибадуллин Салават 2 нче, 9 нчы сыйныфтан Саматова Чулпан 3 нче урыннарны алып кайттылар. Җиңүчеләрне котлыйбыз!

20 февральдә “Аҗаган” уены үткәрелде. 3-9 сыйныф укучылары ике командага бүленеп, үзләрен төрле ярышларда сынадылар. Поварларлар учакта аш пешерделәр, самоварда чәй кайнаттылар. Уенда ике команда да тигез балл җыйдылар. Соңыннан укучылар үзләре пешергән ашны ашадылар. Уен укучыларга бик ошады.

Мәктәптә хәрби–патриотик айлык дәвам итә. 16-17 февральдә укучылар  үзләрен шашка ярышларында сынадылар.

17 февральдә һәр сыйныфта “Кайнар йөрәк”-“Батырлык дәресе” үтте. Башлангыч сыйныф укучылары шушы темага багышланган презентацияне кызыксынып карадылар. Алар бүгенге тыныч тормышта да батырлык эшләп була дигән фикергә килделәр.

12 февраль 1 нче сыйныфлар  өчен аеруча истәлекле булды. Бүген аларда – әлифба бәйрәме. Укучылар җырладылар, биеделәр, шигырь сөйләделәр.

11 нче февраль дә башлангыч сыйныфлар арасында “Күңелле стартлар” булып узды.  Ике командага бүленеп, укучылар көч сынаштылар. Бәйгедә дуслык җиңде.

 10 февральдә мәктәп күләмендә  чаңгы ярышы утте.  Бу ярышта 1 -9 сыйныф укучылары бик теләп катнаштылар. Призлы урын алучыларны котлыйбыз. Җиңүчеләр грамота белән бүләкләнде.