6 нчы февраль көнне  башлангыч класслар укытучысы  Рәмзия  Рифатовна тәҗрибә уртаклашу максатыннан башлангыч класс һәм предмет укытучылары өчен 4 нче класста “Зурлыкны санга һәм санны зурлыкка тапкырлау”дигән темага математикадан ачык дәрес үткәрде. Дәрес ФГОС таләпләренә туры китереп үткәрелде. Укучылар дәрестә актив катнаштылар, үз белемнәрен күрсәтә белделәр. 

4 нче февраль  көнне  Арча укучылар йортында “Гаҗәеп әйдаман” республика бәйгесенең  район туры уздырылды. Бәйге барышында укучылар үзләре белән таныштырдылар, балалар оешмасы эшчәнлеге буенча тест сорауларына җавап бирделәр, төрле педагогик ситуацияләрне чиштеләр. Әлеге бәйгедә безнең  мәктәптән 10 сыйныф укучысы Хәбибуллина Х катнашты  һәм уңышлы чыгыш ясап 2 урынга лаек булды.

      Бүген Яңа Кенәр урта гомуми белем мәктәбендә “Форпост” отрядларының зона буенча спартакиадасы уздырылды. Безнең мәктәп командасы (җитәкчесе СабирҗановН.Ф.) III урынга лаек булды. Аларны зур уңышлары белән котлыйбыз һәм киләчәктә дә сынатмаслар дип өметләнәбез.

2  нче февраль көнне Иске Кырлай мәктәбендә Фәнил Гарафиев истәлегенә 8 нче тапкыр традицион чаңгы ярышлары уздырылды. Ярышларда барлыгы 15 мәктәптән һәм Арча педагогия көллиятеннән 111 укучы катнашты. Ярышта 1 нче урынны безнең мәктәп командасы яулады! Җиңүчеләребезне чын күңелдән котлыйбыз! Нык сәламәтлек, киләчәктә дә зур уңышлар телибез!

   Бүген   мәктәбебездә  истәлекле  “Студентлар белән очрашу”  кичәсе үтте. Бәйрәмне  11 класс  укучылары  “Башваткыч” бәйгесе  кысаларында  алып  бардылар.  Уен  барышында  студентлар  үзләре  укыган  уку  йортлары  ,  кызыклы  вакыйгалар  белән  уртаклаштылар. 

Казан шәһәрендә татар теленнән уздырылган республика олимпиадасының йомгаклау этабында  мәктәбебезнең 11 нче  класс укучысы Гарифуллина А. һәм 10 класс укучысы Гибадуллина А.  иң югары баллар җыеп, җиңүче исеменә лаек булдылар. Укучыларыбызны һәм аларны әзерләгән татар теле һәм әдәбияты укытучысы Әүхәдиева М. Р. чын күңелебездән котлыйыз!

2019 ел – Татарстан Президенты Р.Н. Миңнеханов Указы белән “Эшче һөнәрләр елы” дип игълан ителде. Шул уңайдан мәктәп китапханәсендә “Һөнәрләр дөньясында” дигән күргәзмә төзелде.Күргәзмәдә төрле профессия кешеләре турында мәгълүмат бирелде , татар язучыларының төрле һөнәр ияләре турында язылган әсәрләрен туплаган китаплар куелды.