Бүген мәктәбебездә “Тапкырларга табышмак” кичәсе үтте.Укучылар ике командага бүленеп  “Беләге юан берне егар,белеме булган меңне егар” девизы астында көч сынаштылар.Төрле темаларга табышмаклар чишеп белемнәрен баеттылар,сөйләм телен үстерделәр.

  Каникул чорында мәктәбебездә  файдалы кичәләр күп  үткәрелде. Шундыйларның берсе – “Вопрос на засыпку” интеллектуаль уены.Әлеге кичә география укытучысы Гыйззәтуллина Г.Х.тарафыннан оештырылды. Укучылар “Глобус” һәм “Водопад” командаларына бүленеп көч сынаштылар. Дөньяның төрле почмакларына сәяхәт итеп белемнәрен сынадылар, күп кенә кызыклы мәгълүматлар белән таныштылар. Кичә  файдалы үтте.

    Район мәдәният йортында  , кышкы каникул көннәрендә,  “Сарык , кәҗә һәм башкалар” дигән спектакль  барды. Ул балалар өчен бушка оештырылды. Аны Арча педагогия көллияте каршындагы “Яшьлек” театр студиясе яшьләре куйды. Балалар  рәхәтләнеп ял итеп кайттылар.

   “Яшьлек” театр студиясенә зур рәхмәтебезне җиткерәбез, нык сәламәтлек, яңа елда зур уңышлар телибез!

     Бүген Яңа Кенәр урта мәктәбендә  “Арча хәбәрләре” газетасы призына  шахмат турниры узды. Биредә ун команда катнашты, күрше районнардан да укучылар килгән иде. Безнең мәктәп укучылары да  турнирда катнашты.

8 январь көнне башлангыч сыйныф укучылары киләсе атнада узачак инглиз теле атналыгына әзерлек эшләрен башлап җибәрделәр. Алар “Шалкан” һәм “Өч аю” әкиятләрен инглиз телендә сәхнәләштерергә җыеналар.

  Кышкы каникуллар дәвам итә.  Бүген башлангыч класс укучылары белән тауга чана шуарга бардык.

Чанада да шуабыз,

Чаңгыда да шуабыз.

Тимераякта очабыз,

Чыжлап тора шома боз.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз.

   Укучылар “Оста куллар” түгәрәгендә модульле оригами юлы белән куян  төзү серләрен    өйрәнделәр.  Алар куян төзү өчен кәгазьдән модульләр әзерләделәр һәм модульләрне беркетергә өйрәнделәр. Түгәрәк занятиесе файдалы һәм кызыклы үтте

Бүген үткәрелгән  “ Яшь театр сөючеләр” түгәрәгендә  укучылар классик драматургларның  әсәрләре белән таныштылар һәм Туфан Миңнуллин исемендәге укытучыларның һәм укучыларның III республика конференциясенең “ Драматургия” номинациясендә  катнашу өчен әзерлек эшләрен  башладылар.

Яңа ел бәйрәмнәре узса да, бию түгәрәгенә йөрүчеләрнең ял итеп ятарга исәпләре дә юк. Алар киләсе чыгышларына әзерләнәләр,яңа биюләр өйрәнәләр. Аларның чыгышларын тамашачы һәрвакыт яратып каршы ала, көчле алкышлар белән озатып кала.