Ата-аналар җыелышының көн тәртибе.

1. Үрнәк авыл җирлеге башлыгы Камалетдинов Илгиз Рафаэлевич чыгышы.

2. Участковый уполномоченный полиции Бариев Марат Гаптелхаевич чыгышы: "Балалар куркынычсызлыгы".

3. Казанбаш төп гомуми белем мәктәбенең математика, информатика укытучысы Әгъзәмов Айрат Зөфәр улы чыгышы: "Дәүләт хезмәтләре порталы".

4. Укыту эшләре буенча директор урынбасары Гафурова Эльмира Рашатовна чыгышы: "Казанбаш төп гомуми белем мәктәбенең 2016-2017 нче уку елы нәтиҗәләре һәм яңа уку елына бурычлар".

5. Башлангыч сыйныф укытучысы Гатауллина Гөлия Фиргатовна чыгышы: "Уку эшчәнлегенең нәтиҗәлелеген күтәрүдә гаилә һәм мәктәп".

Бүген башлангыч класс укучылары ата-аналар җыелышындагы ачык чарага, “Кем тапкыр , кем зирәк , сынап карыйк тизрәк!” исеме астында математик ярышка җыелдылар. Укучылар ике командага бүленеп ярыштылар. Үзләренең фикерләү сәләтләрен, тапкырлыкларын, зирәклекләрен күрсәттеләр. Җыелышка килгән әти-әниләр балаларына көч биреп утырдылар, үзләре дә "Кызыклы сораулар"га җавап бирделәр. Ярышта 1 балл өстенлек белән "Тапкырлар" командасы җиңеп чыкты. Укучыларның барысына да истәлекле бүләкләр тапшырылды.

Бүген математика атналыгының 3 нче көне. Укучылар "Серле саннар патшалыгы" буйлап сәяхәт иттеләр. Сан кергән табышмакларның җавапларын таптылар, мәкальләрне дәвам иттеләр. Кызыклы мәсьәләләр чиштеләр һәм кызыклы шигырьләр укыдылар. Укучыларга бик ошады. Алар  "Серле саннар патшалыгы"на сәяхәт итүдән бик канәгать калдылар.

Бүген мәктәптә "Россия балалары- 2017" акциясе кысаларында 8-9 нчы класс укучылары өчен түгәрәк өстәл артында Арча районы башкарма комитетыннан килгән җитәкче М.К. Нигъматуллин һәм Форпост үзәге җитәкчесе Р.Ш. Мингазов белән очрашу узды. Бу очрашу яшүсмерләр арасында начар гадәтләрне булдырмау максатыннан сәламәт яшәү рәвешен арттыру юнәлешендә узды.