Бүген "Көзге мәрхәмәтлелек атнасы - мәрхәмәтле эшләр эстафетасы" старт алды.

Арча шәһәрендә "Яшь Гражданнар Форумы" уздырылды. Безнең мәктәпнең 8 нче сыйныф укучылары Гатиятуллина А., Мусина Г., Мөхәмәтханова А. анда делегатлар булып катнаштылар.

22 нче сентябрьдә шагыйрә Наилә Ахунованың күптәнге хыялы тормышка ашты: Гариф Ахунов туган Кечкенә Өчиле авылы урнашкан урында “Ахун чишмәсе” ачылды. Шушы чара уңаеннан Казанбаш төп мәктәбендә “Чишмәләр белән сөйләшү” исемле әдәби кичә үткәрелде. Кичәдә зур кунаклар катнашты: ТР Язучылар берлеге рәисе Данил Хәбибрахман улы Салихов, профессор Фоат Галимуллин, шагыйрьләр Зиннур Мансуров, Эльмира Шәрифуллина, Рөстәм Зәкуан, Рифат Җамал, Сания Әхмәтҗанова, язучылар Ләбиб Лерон, Вакыйф Нуриев, районның “Каурый каләм” әгъзалары, мәдәният хезмәткәрләре. Кичәдә чыгыш ясаучылар чишмә ачылу белән бәйләп, туган телне саклау турында фикерләрен әйттеләр. Арча районында 2009 нчы елдан башлап бирелә торган Гариф Ахунов премияләрен тапшыру тантанасы кичәгә ямь өстәде. Зур бүләккә лаек булучыларны ихлас күңелдән котлыйбыз, киләчәктә дә иҗат чишмәләре саекмасын.

Бүген мәктәптә мәктәп территориясендә көзге өмә узды.

     Бүген мәктәптә халыкара "Тынычлык күгәрчене" акциясе уздырылды. Шарларга тынычлык күгәрченен беркетеп һавага очырдылар, аларда Бөек Ватан сугышы геройларының исемнәре язылган иде. 

     Күкләребез тыныч, гел аяз булсын!

Сәламәт яшәү күнекмәләрен формалаштыру максатыннан "SaMosтоятельные дети" республика проекты кысаларында проект әгъзалары "Елмаю бүләк ит!" исемле акция уздырдылар. Акциядә катнашучылар мәктәптә, авыл урамнарында сәламәт яшәү рәвешен пропагандаладылар, үтеп баручыларга елмаю бүләк иттеләр, смайликлар өләштеләр.

Бүген мәктәптә куркынычсызлык айлыгы кысаларында Татарстан Республикасының янгын саклау Дәүләт учреждениясенең Казан отрядының Үрнәк ярымланган посты начальнигы И.И. Султанов  эвакуация үткәрде. Укучылар куркыныч янаган вакытта үзләренең югалып калмауларын, тиешле әзерлектә булуларын күрсәттеләр.

Бүген бездә беренче ата-аналар җыелышы үткәрелә. Җыелышта түбәндәге мәсьәләләр күтәрелә.

1. Легаль булмаган алкоголь буенча ТРның халык контроле Дәүләт информацион системасы эшчәнлеге турында Булат Ильдарович таныштыра.

2. "Грипп вирусын профилактикалау һәм вакцинацияләү ни өчен кирәк" дигән сорауга авыл фельдшеры Харрасова Р.Р. таныштыра.

3. "Укучылар куркынычсызлыгы" айлыгы кысаларында ата-аналар белән башкарыласы эшләргә аңлатма бирү - директор Сафиуллин А.Г. таныштыра.

Бүген бездә кунакта - ГАИ инспекторы Хәкимов Р.Р. Укучыларга юл йөрү кагыйдәләрен аңлатты, үзенең бүләкләрен өләште.