11 сентябрь көнне галимә Гәүһәр Хәсәнованың туган көне. Шул уңайдан М. Мәһдиев музее җитәкчесе Халидә Габидуллина "Әти эзләре буйлап" исемле проект оештырды. Проект кысаларында язучы Вакыйф Нуриев, галимә Гәүһәр Хәсәнова, Җәүһәр Галимова Казанбаш төп мәктәбендә укучылар белән очрашты. Чараны Арча районы Мәгариф бүлеге җитәкчесе Рамил Данил улы Мөхәммәдияров ачып җибәрде. Гәүһәр ханым укучыларга үзенең әтисе язучы Мөхәммәт Мәһдиев турында истәлекләр сөйләде, иҗади эшчәнлеге белән таныштырды. Аңа киләчәктә эшендә уңышлар, ныклы сәламәтлек, гаилә бәхете телибез һәм мәктәп белән элемтә тагы да ныгысын дип телибез.

Бүген безнең мәктәптә язучы Флера Мәрданова кунак булды. Флера апа укучыларга үзенең яңа басылган "Әкиятләр" китабын бүләк итте, әкиятләре белән дә таныштырды.

Бүген яңа уку елының беренче ата-аналар җыелешы булды. Көн тәртибендә укучыларның иминлеген һәм сәламәтлеген саклау турында сөйләшенде. Ашханәдә укучыларны ашату буенча фикерләр тикшерелде.

17 нче августта Арча  шәһәрендә "Спрот һәм бокс" көне уңаеннан төрле ярышлар уздырдылар. Әлеге ярышларда Хәбибуллиннар гаиләсе уңышлы чыгыш ясап кайттылар.

Бүген лагерь белән саубуллашу көне.Балалар өчен бик күңелле Сабантуй бәйрәме үткәрелде.Кызыклы уеннар,күңелле ярышлар,дәртле җырлар,биюләр балаларның күңелләренә хуш килде.  “Дуслык” лагеры турындагы  хәтирәләр  күңелләрдә озак саклансын.Сау бул,лагерь!

Бүгенге көнебез “Юл кагыйдәләренә” багышланган иде.Иртәбез “Тирә-юньдә куркынычсызлык” дигән әңгәмәдән башланып китте. “Куркынычсыз урам” экскурсиясендә үзебезнең авыл урамындагы юл билгеләренә күзәтү ясадык.Төшке аштан соң “Сак бул - янгын”  темасына рәсем конкурсы үткәрелде.Конкурста 1 урынны  Ваһапова Сөмбелә алды.Көнебез бик файдалы һәм күңелле үтте.

Көнебез  “Сәламәтлек өчен җиләкләр” дигән әңгәмәдән башланып китте.  “Урман байлыклары”  викторинасында укучылар бик теләп катнаштылар. “Урман риваятьләре” дигән виртуаль экскурсиядән  укучылар урман турында бик күп кызыклы материал алдылар.