Бүген каникулның беренче көне 9,11 класс укучыларыннан кала барлык укучылар да ял итәләр,чана-чаңгы шуалар.Ә менә 9,11 класс укучылары өчен каникул вакыты иркенләп имтиханнарга әзерләнү чоры.Алар өчен каникул беткәнче консультацияләр графигы төзелгән.Бүген дә укучылар математика ,рус теле фәннәреннән имтиханнарга әзерләнделәр.

Бүген Арчада район башлыгы чыршы бәйрәме булды.Ул бәйрәмдә безнең мәктәбебезнең алдынгы,актив укучылары АхметзяновИлнур,Сабирова Айзилә,Шарипова Гөлинә катнаштылар.Бәйрәм бик күңелле булды.Укучылар рәхәтләнеп күңел ачтылар.

Татарстан Республикасы Арча һәм Әтнә районнары военкоматы һәм АО "ТАТМЕДИА" филиалы булган "Арча хәбәрләре" газетасы редакциясе белән берлектә башлангыч класс укучылары арасында оештырылган "Мин җиңүчеләр илендә яшим!" дип аталган рәсем конкурсына нәтиҗә ясалды.Конкурс нәтиҗәләре буенча:

1 урында Яңа Кенәр урта мәктәбенең 1А классы укучысы Ильяс Төхфатуллин (класс җитәкчесе Хабибуллина М.Р.)

2 урында Яңа Кенәр урта мәктәбенең 2А классы укучысы Айзилә Хөсәинова(класс җитәкчесе Хафизова Г.Н.).

укучылар грамоталар һәм сертификат белән бүләкләнделәр.Җиңүчеләрне чын күңелдән котлыйбыз.

25 декабрь көнне Яңа Кенәр урта мәктәбендә гомуми ата-аналар җыелышы узды.Җыелышта Арча мәгариф бүлегеннән белгеч  Шакирова Миләүшә Ниязовна да катнашты.Ул ата-аналарга мәктәптәге медицина кабинетына Армис аппараты урнаштырылачагы турында сөйләде һәм шушы аппарат турында аңлатты.

Яңа Кенәр урта мәктәбе филиалы Сөрде башлангыч мәктәбендә Яңа ел кичәсе үтте.Укучылар Яңа ел әкияте куйдылар.Бәйрәмгә Кыш бабай белән Кар кызы да килгәннәр иде.Алар укучылар белән бергә  җырладылар,биеделәр,Кыш бабай тырыш укучыларны бүләкләде.

Бүген Яңа Кенәр урта мәктәбендә 5-8 класслар өчен Яңа ел бәйрәме үтте.Укучылар бәйрәмгә бик тырышып әзерләнгәннәр.Һәр класс бию,Яңа ел котлавы,җыр белән чыгыш ясады.Кыш бабай белән Кар кызы укучыларны биеттеләр,төрле уеннар уйнаттылар.Яңа ел бәйрәмендә укучылар теләген теләкләр тормышка ашсын.Яңа ел һәркемгә шатлык куанычлар алып килсен.

Бүген Яңа кенәр урта мәктәбендә башлангыч класс укучылары өчен Яңа ел бәйрәме узды.Купшы итеп бизәлгән чыршы тирәсенендә кемнәр генә юк:матур күлмәкле кызлар,төрле әкият геройлары.аюлар,төлкеләр,бүреләр,убырлы карчыклар.Шулар яныныа бәйрәмнең төп геройлары Кыш бабай белән Кар кызы да бар.Укучылар җырладылар,биеделәр,Кыш бабаай белән Кар кызын да биеттеләр.Бәйрәм бик матур ,күңелле үтте.

Бүген гомуми мәктәп линейкасына Яңа Кенәр янгын сүндерү бүлеге җитәкчесе Ахметов Хәниф абый килде.Ул укучыларны бәйрәм вакытында янгын куркынычсызлыгы кагыйдәләре белән таныштырды.Питардалар шартлаткан өчен,салютлар аткан өчен нинди штрафлар каралганлыгы турында аңлатты.Гирляндалар белән сак эш итәгә кирәклеге турында сөйләде.

19 декабрь көнне Казанбаш гомуми белем бирү мәктәбендә кызлар арасында волейбол ярышы үтте.Яңа Кенәр урта мәктәбенең кызлар командасы бу ярышта беренче урынны алдылар кызларны чын күңелдән котлыйбыз.

17 декбрь көнне әдәбият фәненнән район олимпиадасы үтте.Яңа Кенәр мәктәбеннән уңышлы чыгыш ясап,

8 класс укучысы Нәҗметдинова Алинә-призер(укытучысы Нигматуллина Л.С)

9 класс укучысы Сабирова Айзилә-победитель(укытучысы Габдрахманова И.М.)

10 класс укучысы Маннанова Ләлә-призер(укытучысы Габдрахманова И.М)

11 класс укучысы Валиуллина Раилә-призер ( укытучысы Габдрахманова И.М.)

булдылар.Укучыларны һәм аларның укытучыларын чын күңелдән котлыйбыз һәм уңышлар телибез.