«Арча хәбәрләре” газетасы һәм  Арча районы хәрби комиссариаты белән берлектә үткәрелгән “Туган ил кайдан башлана?” конкурсында актив катнашкан Җамалиева Ралинә, Кәримов Илназ, Шакирова Энҗе мактау грамоталары һәм 500 сумлык сертификат белән бүләкләнделәр.Җитәкчеләре Фазылҗанова Гөлфия Наил кызына Рәхмәт хаты тапшырылды.

Районда балалар Сабантуе узды. Бу күңелле чарада мәктәбебез укучылары да катнашты. Төрле кызыклы уеннар уйнап, бәйгеләрдә катнашып ял иттеләр. 

Мәктәбебез Республика программасы буенча уздырылган "Яңа уку елына иң яхшы әзерлекле мәктәп" смотр-конкурсында катнашты.

Мәктәп яны бакчасында укучыларыбыз яшелчәләрне, чәчәклекләрне карап, чүп үләннәреннән чистартып торалар.

 1 июль көнне ныклап төзекләндерелгәннән соң мәктәбебез кабат үзенең ишекләрен ачты. Бу тантанада Татарстан Республикасы премьер –министры урынбасары – мәгариф һәм министры Энгель Нәвапович Фаттахов,  Арча муниципаль район җитәкчесе  Илшат Габделфәрт улы  Нуриев катнашты.  Авылыбызда мәктәп ачылу безне генә түгел авылбыз халкын да сөендерде.Бу бәйрәмдә  ветеран укытучыларыбыз да үзләренең изге теләкләрен, җылы сүзләрен җиткерделәр.  

9 нчы класс укучылары, имтиханнарны уңышлы тапшырып, аттестатлы булдылар. Бу уңайдан бик матур чыгарылыш кичәсе үткәрделәр. Кичәдә әти-әниләр, укытучылар, мәктәп хезмәткәрләре катнашты. Шигырь юллары, матур җырлар аша укучылар үзләренең рәхмәтләрен җиткерделәр. Аларга киләчәккә булган хыялларының тормышка ашуын телибез. 

Укучыларыбыз мәктәп яны бакчасында тырышып эшлиләр.