2019 нчы ел Россиядә Театр елы дип игълан ителде. Шул уңайдан мәктәбебездэ һәр сыйныфка театр өйрәнеп кую бурычы куелды. Бүген 1нче  сыйныф укучылары белән театр турында  әңгәмә үткәрелде. 

Хәрби-патриотик айлык кысаларында классларда “Сталинград сугышы” дип исемләнгән сыйныф сәгатьләре узды. Быел 2 февральдә Сталинград өчен барган бәрелешләрдә җиңүгә 76 ел булды. Икенче бөтендөнья һәм Бөек Ватан сугышларында бөек борылыш чоры буларак теркәлгән Сталинград кан коешы 1942 елның 17 июлендә башланып китә. Вермахт гаскәрләре шәһәрнең төньягындарак булган Идел елгасына ук үтеп керә. 125 көн дәвамында канкойгыч бәрелешләр бара. Һәр урам һәм һәр йорт йөзләгән, меңләгән корбаннар белән яулап алына. Вокзал бинасы гына да 13 тапкыр кулдан-кулга күчә. Шәһәр җимерелә һәм кирпеч ватыкларыннан, вак ташлардан, тимер-томыр өемнәреннән торган хәрабәләргә әверелә. Сталинградны саклап калу гына түгел, фашистларның 300мең кешедән торган дивизиясе дә камап алына һәм юк ителә.Сталинград сугышы күп кешенең гомерен ала. Ләкин совет сугышчыларының батырлыгы,туган илгә мәхәббәте Ватанны саклап калырга көч бирә.Класс сәгатендә сөйләнелгән вакыйгаларга бер укучы да битараф калмады, үз кичерешләрен башкалар белән уртаклаштылар.Рус полководецлары белән беррәттән, Арча районыннан чыккан, Сталинград сугышына саллы өлеш керткән райондашыбыз Гани Сафиуллин турында да сөйләнелде.

Сәрдәбаш башлангыч мәктәбендә “Китап уку” атналыгының 5 нче конендә“Юл күрсәтүче йолдыз”  әдәби- музыкаль викторина уздырылды. Укучылар ике командага бүленеп узләренең  белемнәрен, осталыкларын, зирәклекләрен, тапкырлыкларын гына түгел, ә җитезлекләрен, өлгерлекләрен дә күрсәттеләр.  “Әкияттә - кунакта”, “Шигырь сөючеләр” конкурсы, капитаннар өчен “Дөрес җавап” уены балаларга аеруча ошады. Бәйрәмебезгә биюче һәм җырчы кызларыбыз ямь өстәп  үз һөнәрләрен күрсәттеләр.

Кышкы чорда мәктәп  балаларын  чаңгы шуу күнекмәләренә өйрәтүгә игътибар бирелә.Чаңгы шуудан балалар аерым бер ләззәт алалар. Саф һавада дәресләрне  чаңгылар кулланып үткәрү аларга бик ошый.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз.

 Февраль ае мәктәптә хәрби-патриотик тәрбия айлыгы. Хәрби-патриотик айлык һәм башлангыч сыйныфлар атналыгы кысаларында бүген «Сәламәтлек кагыйдәләрен һәркем белергә тиеш» дип исемләнгән сәламәтлек кичәсе уздырылды. Кичә сәламәт яшәү рәвешенә омтылыш уяту, спортка мәхәббәт тәрбияләү, патриотик хис тәрбияләү, сәламәт кеше генә Туган илен яклый һәм саклый алырга сәләтле булуына төшендерү максатын күздә тотып үткәрелде.

Башлангыч класслар атналыгы кысаларында саф һавада мәктәп укучылары өчен “Күңелле стартлар” үтте.  Кышкы көннең матур һавасы балаларга яхшы кәеф, уеннарга көч, дәрт өстәде. Ике командага бүленеп, капитаннар билгеләп,  командаларга исемнәр сайлап, бер-берсен сәламләгәч мавыктыргыч, кызыклы ярышлар башланды. Командалар узара бирешмәскә тырышып көч сынашты. Һәр катнашучы үзен җитезлектә, кызулыкта һәм тапкырлыкта сынады.

“Китап уку” атналыгының 4 нче конендә  "Балалар китабы - сихри бер дөнья" - әдәби сәгать үткәрелде. Кичә балалар чыгышы белән башланып китте. Укучылар татар һәм рус халык әкиятләренең эчтәлеген сөйләделәр.“Әкиятне таны”, “Сүзләрне тап” уеннарында укучылар бик актив катнаштылар. Соңыннан  балалар  китап   күргәзмәсе белән танышып, үзләренә ошаган китапларны сайлап алдылар. Алдагы көнгә максатлар куелды:үзләренең яратып укыган китапларыннан әкият геройларын ясарга.

Башлангыч сыйныфлар атналыгының  3 нче көнендә 1-4 класс укучылары белән  “Сәламәт яшәү рәвеше-һәр гаиләнең нигезе” дип исемләнгән уен-бәйге үткәрелде. Бәйге барышында укучылар сәламәтлек темасына бирелгән сорауларга җаваплар эзләделәр, “Файдалы-зыянлы” уены уйнадылар, кроссворд чиштеләр. Ахырда укучылар ясаган рәсемнәрен якладылар.

Башлангыч сыйныфлар атналыгы кысаларында “Сәламәтлек-зур байлык” темасына күргәзмә ясалды. Күргәзмәдә башлангыч сыйныф укучыларының сәламәтлек темасына ясалган рәсемнәре һәм сәламәт яшәү рәвеше алып бару өчен киңәшләр урын алган.

30 нчы гыйнвар көнне 7 нче сыйныфларда “Герой шәһәрләр” темасына класс сәгате үтте. Укучылар 12 шәһәр һәм 1 крепостька Бөек Ватан сугышы чорында күрсәткән ныклыклары өчен Герой-шәһәр исеме бирелүен белделәр. Презентация карап фикер алыштылар, видеоролик карадылар.