6  февраль    көнне   мәктәп-бакча  коллективы   авыл  клубында  "Уйнагыз,  гармуннар!"   кичәсе  оештырды.   Кичәгә   Пешәнгер,   Мирҗәм   авылларының   иң  оста,  иң  моңлы   гармунчылары  чакырылды.  Гармунчылар   үзләренең  гармун  уйнарга  өйрәнү   тарихлары  белән  уртаклаштылар,   сыздырып  гармунда,  баянда  уйнадылар,   җырладылар.  Ә  укытучылар,  укучылар,   бакчага  йөрүче  нәниләр    аларга   җыр-биюләр   бүләк  иттеләр.  2  сәгатькә  сузылган  тамашада    һәр  кеше   җанына  сихәт   алды,   моң  дәрьясында   йөзде...

"Таня Савичеваның   блокада   көндәлеге"     конкурсы  рәсемнәр  кабул   итү бара.    

27  январь   көнне   мәктәп-бакчабызда   "Бөек  Җиңүгә дан!"   хор  җырлары  конкурсы  булып  үтте.   Анда   бакчада  тәрбияләнүчеләр   һәм  укучылар   Бөек  Ватан  сугышы  турында   җырларны    хор  белән     башкардылар.   Һәр  класс   матур,   мәгънәле    җырлар  сайлаган   һәм  бик  оста  башкарды.   Ахырдан    дипломнар  тапшырылды.   Афәрин,    укучылар!    Афәрин,   нәниләр!  

Бүген   мәктәбебездә   Бөек   Җиңүнең  70  еллыгына   карата   узучы   әңгәмәләрнең   7 нчесе   булып  үтте.   Ул  "Таня  Савичеваның    блокада  көндәлеге"  темасына   оештырылды.  Укучылар   Таня   Савичева   турында   татарча  ролик  карадылар,  ахырдан  сорауларга  җавап  бирделәр,   җиңүчеләр  билгеләнде.    Әңгәмәнең   дәвамы  буларак,    "Таня   Савичеваның    блокада   көндәлеге"   темасына   мәктәпкүләм     рәсем  конкурсы  игълан   ителде.   

16  январь   көнне  мәктәп-бакчабызда   ата-аналар   өчен  ачык   шөгыльләр   һәм   дәресләр  күрсәтелде,    гомуми  һәм  класс  җыелышлары  үткәрелде.  Әти-әниләр   укыту-тәрбия  процессындагы    яңалыклар,     взнос    түләүдәге  үзгәрешләр   белән  таныштылар,   балаларының   дәресләрен  карадылар,   класс  җитәкчеләренең    отчетын  тыңладылар. 

Каникулдан   килүгә   мәктәп-бакчабызда   чаңгы  шуу   сезоны  башланып  китте.  Укучыларыбыз   физкультура  укытучысы  Раушан  Фарадисович   белән  берлектә  чаңгы  юлы  салдылар  һәм  шуа  башладылар.   Мәктәп-бакча  артындагы  болынлыкның   бик  якын   булуы   рәхәтләнеп  шуарга  мөмкинлек  бирә.   Бакчада  тәрбияләнүче  балалар  да  укучылардан  калышмый - алар  мәктәп   ишек  алдында   шуалар.  Киләчәктә   чаңгы  ярышы  уздырылыр  дип  көтелә.   

8  январь  көнне  Арча   шәһәрендә  мәгариф    учреждениелары   профсоюз  членнары  арасында  шахмат  ярышы   үткәрелде.  Анда   хезмәттәшебез   Магсумова  Гөлсинә  Хайрулловна   3  урынны  яулады.  Аны  җиңүе  белән  тәбрик  итәбез!

5  январь   көнне   мәктәп-бакчабыз   спортзалында    "Күңелле   эстафета"    үткәрелде.   Бу  чарага   укучыларыбыз   бик  теләп  килделәр   һәм   анда  актив  катнаштылар.    Ике  командага  бүленеп   төрле  ярышларда  катнашу    укучыларга  бик  ошады.   Каникулның   бу  көне   бик  күңелле   һәм  кызыклы  үтте!

Кадерле  дуслар!    Яңа  ел  белән  сезне!   Яңа  2015  ел  уңышлар,   шатлык-сөенечләр,   ак  бәхетләр  алып  килсен!  

          Илләр -   имин,   дөнья  - тыныч,

          Күкләр   аяз  булсын!

          Сөенеп-шатланып  кына

          Яңа  еллар  узсын!

Мәктәп-бакчабыз   Яңа  2015  нче  елны  каршы  алырга  әзерләнә:   укытучылар-укучылар  концерт-тамашалар    әзерли,   сыннар   ясыйлар.   Бәйрәм  алды  күңелле дә,   мәшәкатьле  дә!