Бу  уку  елы   безнең  мәктәп  укучылары  һәм  укытучылар  коллективы   өчен   бик  күңелле  башланып  китте.  Чөнки  мәктәбебезгә  10 яшь  тулды!  Шушы  нәни  юбилее  уңаеннан  1 сентябрь  -  Белем  көнендә  "Туган  көнең  белән,  мәктәбем!"   тантанасы   оештырылды.   Тантанада   укучыларыбыз,  килгән  кунаклар    мәктәпне  котлады,   туган  көн  тортыннан  авыз   итте,  әти-әниләр  1  класска  керүче  балаларга  ихлас  теләкләрен  җиткерде.  

10   яшен  каршылый  мәктәп

Күмелеп  гөл-чәчәккә!

Балаларның  шат  авазы

Тынмасын  киләчәктә!

Укучыларыбыз    укытучылар  җитәкчелегендә   26  май  көнне   Хәтнә   авылына  барып,  "Хотнинская  вода"    заводында  булып   кайтканнар  иде.   30  май  көнен  дә  алар    зарыгып  көтеп  алды.  Чөнки  һәр  елдагыча   табигать  кочагына  чыгып,  тәмле  уха  пешерү,  уеннар  уйнау    быел  да  оештырылды.  Авылыбызның    иркен  болынында,  чишмә  буенда  узган  бу  көн  бик  күңелле  булды!

29 май  көнне  мәктәп-бакчабызда  ярминкә  һәм  сабан  туе  гөрләп  узды.  Ярминкәдә   теләгән  һәркем  үз  товарын  сатты   һәм  сатып  алды.  Әти-әниләргә   ярминкә  бигрәк  тә  нык  ошады.  Сабан  туенда  исә  нинди  генә  күңелле  уеннар  уйналмады.  Уку  елының  соңгы  көннәре  һәр  баланың   хәтерендә  уелып  калырлык  булды!  

30 апрель  көнне  мәктәптә  Варислар  сафына  кабул  итү  җыены  булып  узды.   Анда   4  класс  укучылары  Татарстан  Варислары  Берлегенә  кабул  ителделәр.  Аларны  шушы  балалар  оешмасына  кабул  итүләре белән  тәбрик  итәбез!  Укуларында  зур  уңышлар,  сәламәтлек,  бәхетле  балачак,  күңелле  мизгелләр  телибез!

Мәктәбебезнең   иң  өлкән  класс  укучылары  Варислар  сафына  керергә  әзерләнәләр.  Уңышлар  сезгә, укучыларыбыз! 

15  апрель   көнне  "Әкиятне  үзебез  язабыз!"  мини-пьесалар  конкурсы  төгәлләнде.  Җиңүчеләргә  грамоталар  тапшырылды. Менә   алар  мәктәбебезнең  әкият-пьеса   осталары  -  Фазылҗанова  Исламия  (1  урын),  Фазуллин  Ленур  (2  урын),   Әсхәдуллин  Нияз  (3  урын).  Җиңүчеләргә  һәм  катнашучыларга    укуларында   уңышлар  телибез!   

Мәктәбебездә  мәдәният   елы   уңаеннан   үткәрелүче  чаралар  дәвам  итә.    14  апрель   көнне    "Әкият  геройлары  - безнең  дуслар!"   мәктәпкүләм  скульптуралар  конкурсына  йомгак  ясалды.  1  урынга    Газимов     Рөстәм   һәм  Галәветдинова  Гөлфия,   2  урынга   Хәкимова  Алия    һәм   Закирҗанова  Гөлинә,   3  урынга    Бульмакова  Наилә,  Фазылҗанова  Хәния,  Хәбибуллина  Гөлия  лаек  булды.  Җиңүчеләргә  һәм  катнашучыларга  зур  рәхмәт  белдерәбез!  Һәрчак  шулай  актив    һәм   фантазиягә  бай  булып  калыгыз!  

Шушы  көннәрдә  укучыларыбыз   "Зирәк   тиен"  регионара   уен-бәйгесе   биремнәрен  эшлиләр.  Туган телебезгә  багышланган  әлеге  бәйгедә  уңышлар  телибез   сезгә,  укучылар!   

Мәктәбебездә  ике  атна  дәвам  иткән  каен  бөресе   җыю  төгәлләнде!   Җиңүчеләр  билгеле  булды,  аларга  грамоталар  һәм  кыйммәтле  бүләкләр  тапшырылды.   Менә  алар - иң  тырыш,  иң  җитез  укучыларыбыз:  1  урын  - Фазуллин  Алмаз,  2  урын - Фазуллин  Ленур,  3  урын - Фазылҗанова   Исламия  һәм  Әсхәдуллин  Нияз.  Молодцы,  җиңүчеләр!  Калган  укучыларыбыз  да  актив  катнаштылар.  Зур  рәхмәт  аларга!  

Республика  класстан  тыш  эшләр  үзәге уздырган  "Туган  як  серләре" экспедициясенең   "Бөек  Ватан  сугышында  минем  гаиләм  тарихы" конкурсының  район  этабында  безнең  укучыларыбыз  Галәветдинова  Гөлфия  һәм  Фазылҗанова  Исламия  катнашты.  Алар  үзләренең  әби-бабаларының  сугыш   турындагы  хатирәләрен  туплап,   альбом  эшләделәр.   Һәм  нәтиҗәдә  икесе  ике  номинация  буенча  1  урын  яуладылар,  аларның  эшләре  республикага  җибәрелде.   Молодцы,  кызлар!