Бүген 10 нчы март көнне бер төркем педагог- оештыручылар Иске Кырлай төп гомуми белем бирү мәктәбендә семинарда булып кайттык. Мондый семинарлар оештырылып тора һәм кирәкле дә дип саныйм, чөнки тәҗрибә туплауның яхшы чарасы булып тора. Без 5 мероприятие карадык. Беренчесе - башлангыч сыйныф укучылары катнашында "Белем иленә сәяхәт" уены иде. Бәйге укучыларның активлыгы, кызыксынучанлыклары, беренче булу теләге зур булу белән бик кызык һәм мавыктыргыч килеп чыкты. Икенчесе-  укучылар узидәрәсенең 3 нче утырышыннан өзек иде, бу миңа, бигрәк тә яңа эшли башлаучы педагог - оештыручылар өчен эшне ничек оештыру, алып бару өчен үрнәк булды. Өченчесе - "Таныш булыгыз - Шүрәле!" - дип исемләнгән   Г.Тукай тууга 130 ел  уңаеннан  әзерләнгән әкият - тамаша . Укучыларның тиешле дәрәҗәдә, сәнгатьле итеп сөйләве, әкиятне сәхнәләштерүе беркемне дә битараф калдыра алмады. Дүртенчесе - "Кусудама - кыңгырау чәчәк" - дип исемләнгән мастер - класс. Бу мастер - класста бездә тик утырмадык, бик матур кыңгырау чәчәкләр ясадык. Иҗат эшен яратучылар өчен менә дигән эш, күзләргә дә рәхәт, эшләргә дә җиңел. Бишенчесе - "Кызлар һәм йолдызлар" - дип исемләнгән мероприятие иде. Бу мероприятиедә кызлар һәм йолдызлар - педагог - оештыручылар катнашты. Алар үзләрен төрле яктан сынап карадылар. Конкурс азагында җиңүчеләр билгеләнеп, нәтиҗәләр ясалды. Әниләр, кызлар белән үткәрергә менә дигән кичә булды бу. Менә шундый эчтәлекле семинарда булып кайттык. Иске Кырлай мәктәбе укытучыларына һәм укучыларына эшләрендә, укуларында уңышлар телим. Матур, эчтәлекле чаралар өчен рәхмәт!

Безнең һәрберебездә кояш бар. Ул кояш - яхшылык, игелеклелек. Игелеклелек башка кешенең кайгысын, шатлыгын үзеңнеке кебек кабул итә белү. Нәкъ менә шушы сыйфатлар кешене кеше итә. Кешене мәрхәмәтле, шәфкатьле булырга кечкенәдән үк өйрәтергә кирәк. Киләчәктә безнең мәктәп балалары кем буласын белмибез, юрист буламы ул, инженермы, ләкин шуны беләбез, без аларны яхшы кешеләр үсәргә өйрәтәбез. Бүген башлангыч сыйныф укучылары, сәламәтлеге ягыннан чикләнгән Вәсилә апага ярдәм иттеләр. Капка төпләрендәге карны тараттылар. Вәсилә апа балаларга үзенең рәхмәтен белдерде.

      Хезмәттәшебез Фәүзия Зәкәриевнаны чын күңелдән туган көне белән тәбрик итәбез! Аңа озын гомер, корычтай ник сәламәтлек, эшендә уңышлар, гаилә тигезлеге телибез. Устергән балаларының игелеген күреп, кадер- хөрмәттә яшәргә ясын!

Тормыш юлың һәрчак балкып торсын, 
Ягымлы, шат булсын күңелең. 
Озын гомер, бәхет-шатлык белән 
Бер кайгысыз үтсен гомерең !

Гомерне бит еллар билгеләми, 
Яшәү дәрте булсын күңелдә. 
Сәламәтлек, бәхет, куанычлар 
Юлдаш булсын cезгә гомергә.

8 март Әни бәйрәме.

Бүләк итәрмен

Чәчәк бәйләме.

Ничек табарга

кайда чәчәк бар?

Кая карама-

Каплаган ак кар.

Әнигә шигырь

Бирдем бүләккә.

«Гомергә»,-ди ул,-

калыр йөрәктә!

Башлангыч сыйныф укучылары үзләренең сөекле әниләренә 8 Март бәйрәме белән котлап матур открыткалар ясадылар.

          4 нче март көнне мәктәбебездә якынлашып килүче 8 март уңаеннан "Ягез әле, кызлар" - дип исемләнгән күңелле бәйге үтте. Бәйгедә 5-10 сыйныф кызлары катнашты. Бәйге үзең белән таныштырудан башланып китте. Шиһапова Сөмбел үзенә багышлап шигырь язган, Солтанова Илүзә  татар халык биюен бүләк итте. Кызлар үзләрен төрле яктан сынап карадылар һәм осталыкларын күрсәттеләр. Барысы да тәмле ризыклар әзерләп килгәннәр, әниләренә котлау открыткасы ясаганнар. Бәйге малайларыбыз әзерләгән  концерт номерларына үрелеп барды. Кызларыбызның барысы да уңган, булганнар. Буй- сын дисеңме, чибәрлекме, җитезлек дисеңме, җыр-бию, өй җыештыру, пешерү осталыгы дисеңме, тегү һәм башкалар- кызларыбыз бар яктан да килгәннәр, аларга тиңнәр юк. Бәйге ахырында кызларга грамоталар һәм истәлекле бүләкләр тапшырылды.

Давайте готовиться к празднику, создавать позитивный настрой и весеннее настроение! А помогут нам в этом, конечно же, дети! С их неиссекаемым интузиамзмом и творческой фантазией!

Учащиеся начальных классов хорошо потрудились.

«Әни» диеп язып куйдым

Яңа яуган ак карга.

Таптамагыз, һич ярамый

«Әни» сүзен таптарга.

Әни – җирдә иң газиз, якын кеше. Ул сине тудырган, көйләп бишектә тирбәткән, синең беренче елмаюыңны, беренче әйткән сүзләреңне ишетеп сөенгән,тәпи атлап китүеңне күреп шатланган.Ул безне туган телебезне яратырга өйрәткән. Без үзебезнең тормышыбызны алардан башка күз алдына да китерә алмыйбыз. Алар – безнең дөньябызның яме, шатлыгы. Башлангыч сыйныф укучылары арасында " Әнием- күз нурым" исеме астында инша бәйгесе узды.

         Күренекле әдип-прозаик Әмирхан Еники (Әмирхан Нигъмәтҗан улы Еникиев) 1909 елның 17 февралендә (яңа стиль белән 2 мартта) элекке Уфа губернасы Бәләбәй өязе (хәзерге Башкортстан АССРның Благовар районы) Яңа Каргалы авылында таза хәлле крәстиян гаиләсендә туа. 1911 елда аның әтисе гаиләсе белән Яңа Каргалыдан кырык чакрым ераклыктагы Дәүләкән дигән авылга күченә. Әмирханның балалык һәм мәктәп еллары шул авылда уза.
Яшьтән үк әдәбият, иҗат эше белән кызыксынган Ә.Еники 1925 елның җәендә Казанга килә һәм китап кибетенә курьер булып эшкә урнаша. Бер елдан ул Казан дәүләт университеты каршындагы рабфакка укырга керә. Шушы чорда көндәлек матбугат битләрендә аның әдәби парчалары һәм хикәяләре күренә башлый.
1927-1933 еллар арасында Ә.Еники Донбасста - ликбез курсларында укытучы, Казан мех фабрикасында - сортировщик, «Кызыл Татарстан» (хәзерге «Ватаным Татарстан») газетасы редакциясендә штаттан тыш хәбәрче хезмәтендә була, бер үк вакытта төп эшеннән аерылмыйча, 1931 -1933 елларда Казанда Хезмәтне фәнни оештыру институтында (ИНОТ) укый. Шуннан соң ул Ватан сугышына кадәр Казандагы җирле промышленность системасында техник укыту буенча методист (1934-1935), кинофикация трестында инструктор (1935-1936), «Азеркино» (Баку) студиясенең райондагы махсус вәкиле (1936-1937), Казанның 2 нче номерлы тегү фабрикасы каршындагы стахановчылар мәктәбендә (1937 - 1939) һәм Үзбәкстанның Маргилан шәһәрендәге гомумбелем бирү мәктәпләренең берсендә укытучы булып эшли. 1941-1945 елларда әдип — Ватан сугышы фронтыңда: хәрәкәттәге армиянең хуҗалык һәм каравыл частьларында рядовой солдат булып хезмәт итә.
Армиядән кайткач, Ә.Еники берникадәр вакыт «Совет әдәбияты» (хәзерге «Казан утлары») журналында әдәби хезмәткәр, аннары Татарстан Радиокомитетында әдәби тапшырулар бүлеге мөхәррире булып эшли, 1950-1952 елларда исә Казан авиация техникумында татар теле укыта. 1953 елда ул бөтенләе белән профессиональ язучылык хезмәтенә күчә.Ә.Еникинең әдәби иҗаты Совет хөкүмәте тарафыннан югары бәяләнә, ул Хезмәт Кызыл Байрагы (1979) һәм «Почет Билгесе» (1957) орденнары белән бүләкләнә. 1984 елда аңа «Юлчы» исеме белән чыккан хикәяләр җыентыгы һәм русча тәрҗемәдә басылган «Повести и рассказы» (1982) китабы өчен Татарстан Республикасының Г.Тукай исемендәге Дәүләт премиясенә лаек була.

1985 ел, 14 гыйнвар Указы нигезендә ТАССР Югары Советы Президиумының, мактау грамотасы белән бүләкләнә.
Әдипкә 1989 елда «Татарстанның халык язучысы» дигән исем бирелә.
2000 елның 16 февралендә Казанда вафат була, Яңа бистә зиратына җирләнә.
Ә.Еники — 1946 елдан СССР (Татарстан) Язучылар берлеге әгъзасы.