Мәктәбебездә "Без тынычлык яклы" темасына беренче тәрбия сәгатьләре үткәрелде. Беслан трагедиясенә быел 14 ел. Андый вакыйга кабат кабатланмасын иде, илләребез тыныч, күкләребез аяз булсын иде. 

Буген барлык мәктәпләрдә дә Беренче кыңгырау бәйрәме билгеләп үтелә. Без дә җәйге каникуллардан соң шатланышып мәктәпкә җыелдык.  Яңа уку елы барыбызга да шатлык- сөенечләр, "4" ле һәм "5"ле билгеләре генә алып килсен. 

1 февральдән 2018-2019 уку елында балалары 1 класска укырга баручы әти-әниләрдән гаризалар кабул ителә башлады.  Гаризалар 30 нчы июньгә кадәр кабул ителәчәк.

Бүген мәктәбебездә Соңгы кыңгырау бәйрәме.  9 нчы сыйныфны 2 егет һәм 3 кыз тәмамлый.  Укучыларыбызның барысына да имтиханнарын уңышлы тапшырып, үзләре теләгән уку йортларында белем алуларын дәвам итүләрен телибез. Кыңгыраулы мәктәп еллары сезне тормыш юлыгызда озата барсын. Ак юллар сезгә, балалар! 

Бүген 1-4 класс укучылары белән Габдулла Тукай  музеена сәяхәт кылдык. Музейда бик кызыксынып олугъ шагыйрьнең тормыш юлы белән таныштык. Сәгъди абзый йортын карадык. Якында гына урнашкан бай йорты аша ул заманда яшәгән байлар һәм ярлылар тормышын чагылдырган йортны күзәттек. Габдулла Тукай музеена сәяхәт бик эчтәлекле булды. 

Бүген 4 нче сыйныф укучыларын Татарстан Варислар Берлеге сафына кабул иттек.  Егетләребез Тапкырландиядә, Шаяннар илендә, Җитезләр җыеннарында катнашып, барлык биремнәрне дә бик яхшы үтәделәр. Ахырдан варислар законнарын әйтеп,тантаналы рәвештә ант иттеләр. Укучыларның муеннарында варислар галстугы җилфердиячәк.

Җәйге каникуллар алдыннан 6-8 класс укучылары белән Казан шәһәренә сәяхәткә киттек. Анда Казан Кремле һәм Сөембикә манарасы матурлыгы белән хозурландык. Бай тарихлы Бауман урамы аша атладык. Казан шәһәре бик матур шәһәр.