Бүген башлангыч профсоюз оешмалары арасында чаңгы ярышы үткәрелде. Безнең мәктәп командасы да әлеге ярышта катнаштылар. Шәхси беренчелектә 40 яшьтән узган ир-атлар арасында Ситдиков А.Г. 3 нче урын яулады. Катнаш эстафетада командабыз 1 урын алдылар. Чаңгычыларны котлыйбыз! 

Бүген химия фәненнән Төп Дәүләт имтиханы уздырылды.

Бүген мәктәбебездә татар халкының сөекле улы, Советлар Союзы Герое, Ленин премиясе лауреаты Муса Җәлилнең тууына 113 ел булуны билгеләп үттек. "Бар җырымны илгә багышладым...." исемле  әдәби-музыкаль кичәдә укучылар патриотик шагыйрьнең тормыш юлын искә төшерделәр. Балалар өчен язылган кызыклы һәм шул ук вакытта дәһшәтле сугышта җиңүгә рухландырган шигырьләрен сәнгатьле укыдылар. Бу чара укучыларда шагыйрь иҗатына карата кызыксыну, ихтирам һәм соклану хисләрен арттырды.

   2019 нчы елның 15 феврале, соңгы совет сугышчысы Әфганстан чиген атлап чыкканга -30 ел булды. Шул уңайдан мәктәбебездә “Әфганстан – йөрәк ярасы” исемле кичә үткәрелде. Кичәгә Иске Кырлай авыл җирлегендә яшәүче Әфган сугышында катнашучы якташларыбыз Сабиров Данаиль абый һәм Хөрмәтов Әнәс абыйлар килделәр. Алар сугыш истәлекләре белән уртаклаштылар, фотоларын күрсәттеләр. Әфганстанның комлы чүлләре, шәрә таш кыялары, һә яшеллектән ут сибәргә торган дошман - болар берсе дә тиз генә онытылмас. Әле тормышның ямен, тәмен дә белмәгән меңнәрчә егет Әфган җирендә батырларча Һәлак булды.Без аларны мәңге онытырга тиеш түгел!

Мәңгелек дан аларга!

Мәңгелек дан!!!

   Бүген 1-4 класс укучылары белән Иске Кырлай авылында гомер итүче Бөек Ватан сугышы ветераны Камалов Әнвәр Галәветдин улына багышланган "Гасырга тиң гомер юлы" исемле тәрбия чарасы үткәрелде. Әлеге чарада  ветеранның тормыш юлы, аның сугышта күрсәткән батырлыклары, шул чорда яшәгән кешеләрнең тормыш авырлыклары турында сөйләнде. 

Мәктәбебездә 1-7класслар арасында "Ватан сакчылары көне"нә багышланган рәсем конкурсы уткәрелде. Иң матур рәсем райондашыбызга, бүгенгесе көндә армия сафларында хезмәт итүче солдатка җибәреләчәк. 

12 февраль - бөек инглиз галиме Чарлз Дарвинның тууына 220 ел.  Чарлз Дарвин эволюциягә нигез салучы. Класстан тыш чарада 8 класс укучыларына аның тормыш юлы, дөнья тирәли беренче сәяхәте, биология фәне өлкәсендәге уңышлары,хезмәтләре турында искәртеп үтелде. 

Узган атнада үткәрелгән "Математика. Физика. Информатика"  атналыгына бүген нәтиҗә ясалды. 1-4 класс укучылары арасында математик рәсемгә багышлап язылган  шигырь конкурсында иң актив катнашкан укучылар бүләкләнделәр.  Иң кызыклы һәм оста шигырь  язучы укучылар:  1 класстан Ахметшин Фәнил, 3 класстан Ахметшин Рамил, Фазлыева Таңсылу, Зарипов Инсаф, Гарифуллина Илзидә, 4 класстан Ахметшин Дамир һәм Нурислам. Укучыларга дипломнар тапшырылды һәм  баллы күчтәнәчләр белән сыйландылар. 

  Буген   "Математика. Физика. Информатика атналыгы" кысаларында 7-9 класс укучылары арасында "Физик КВН"  үткәрелде. КВНның максаты  укучыларда физика фәненә карата  кызыксыну уяту, командада эшләргә өйрәнү, үзара аралашу күнекмәләрен үстерү. Укучылар ел буе физика фәненнән алган белем һәм күнекмәләрен күрсәттеләр, аерым хәрефләр җыелмасыннан физик формулалар яздылар, команда белән уйлап дөрес нәтиҗәләр чыгардылар. КВНда укучылар бик теләп катнаштылар.

8 нче февраль Россиядә фән коне буларак билгеле. Бу көн химия фәнендә Дмитрий Иванович Менделеевның туган көне буларак билгеләнеп үтелә. Быел күренекле химигыбызның тууына 185 ел. Менделеевның химия фәне өлкәсендә хезмәтләре санап бетергесез. Ләкин ул химия фәне белән генә чикләнмәгән, физика, метеорология, икътисад юнәлешләре буенча  да хезмәтләре бик күп аның.Бөек галим уз алдына чын мәгънәсендә фәнни максатлар куйган һәм аларны тормышка ашыра барган. Бүгенге класстан тыш чарада Дмитрий Иванович Менделеевның тормыш юлы һәм химия өлкәсендә булган зур казанышлары тагын бер кат искәртелеп үтелде.