Бүген Бөтенроссия Сәламәтлек көне. Шул уңайдан мәктәбездә Сәламәтлек бәйрәме үткәрелде. Кыю, көчле егетләребез ике командага бүленеп, көч сынаштылыр. Лачыннар командасы җиңү яулады. Бөркетләр дә алардан калышмады. "Сәламәт тәндә - сәламәт акыл" дигән мәкальне укучыларыбыз онытмый. Һәр чарада актив катнашалар. Молодцы! 

Арча стадионында  профсоюз членнары арасында уздырылган җиңел атлетика ярышында мәктәбебез укытучылары актив катнаштылар. Директорыбыз Хәйсәр Равилович 100 м арада 40 яшьтән узган ир-атлар арасында  2 урын алды. Котлыйбыз аны!

Бүген мәктәбебез белән Бөек Җиңүнең 74 еллыгына багышланган  " Җиңү кайтавазы мәңгелек" исемле тантаналы чарада катнаштык.  Әлеге чара бөек Ватан сугышында һәлак булган авылдашларыбыз истәлегенә куелган һәйкәл янында узды. Сугыш ветераны Камалов Әнвәр абый кичәбезнең зур кунагы булды.  

Тиздән 9 Май - Җиңү бәйрәме ңитә.  Мәктәптә бәйрәмгә әзерлек эшләре зур көч белән бара. Физкультура укытучысы Ситдиков А.Г. укучылар белән бергә һәйкәл янына  куяр өчен венок ясадылар. Венок өчен төрле төсле чәчәкләрне укучылар алдан ясап куйдылар. Безнең тынычлыкны саклап сугышкан авылдашлар өчен безнең мәктәпнең бүләге бу веноклар.

Бүген мәктәбебез территориясендә чистарту эшләре дәвам итте. 

6 класс укучылары Казан шәһәренә экскурсиягә бардылар. Шәһәрнең Бауман урамы, зоопарк, Җиңү паркы балаларга бик ошады. Казанның истәлекле урыннарында фотоларга төшеп, күңелле ял итеп кайту балалар күңелендә озак сакланыр.