Табигать фәннәре атналыгы Кызыл китап белән танышудан башланды. 1966 нчы елда бөтендөнья галимнәре сакларга кирәкле үсемлекләр, хайваннар исемлеген барлаганнар. Һәм әлеге исемлекне Кызыл китап битләренә бастырганнар. Ни өчен Кызыл китап? Чөнки кызыл төс - кисәтү төсе.  Безнең илдә Кызыл китап беренче 1978 елда чыгарыла. Анда Россиянең юкка чыгу алдында торган үсемлекләр, гөмбәләр һәм хайваннар исемлеге бирелгән.

Мәктәбебездә 1 класс укучысы белән Әлифбаны өйрәнүне тәмамладык һәм бүген кадерле китабыбыз белән саубуллашабыз. Әлифба китабы безне  39 хәреф белән таныштырды, хәрефләрдән-иҗекләр, иҗекләрдән -сүзләр, сүзләрдән җөмләләр төзергә, хикәяләр укырга, сөйләргә өйрәтте. Илебезнең барлык мәктәпләрендә “Әлифба бәйрәме” үткәрелә.

Әлифба,син барлык фәннәрнең

Тәүге баскычы.

Син кадерле туган телнең

Алтын ачкычы. 

Бүген 7-8 класс укучылары катнашында, Гилязиева Г.Р. һәм Хисматуллина В.Б. "Ягез әле, кызлар һәм әниләр! темасына багышланган уен - дәрес күрсәтте. Дәрес җырлар, уеннар һәм биюләр белән үрелеп барды. 

Бүген мәктәбебездә әниләргә, кызларга карата хөрмәт, ярату, гаиләдәге туганлык, кайгыртучанлык  хисләрен ныгыту максатыннан 5-9 класс укучылары катнашында "Ягез әле, кызлар һәм егетләр" бәйрәме  булып узды. Укучылар бәйрәмдә бик актив катнаштылар. 

Бүген язның  беренче бәйрәме - 8 Март бәйрәме уңаеннан 1-4 класс укучыларының әниләре кунакка килделәр. Укучылар әниләренә багышлап матур шигырьләр сөйләделәр, биеделәр, җырладылар. Үз куллары белән ясалган бүләкләрен тапшырдылар. Бәйрәмнең икенче өлешендә балалар әниләре белән күңелле уеннар уйнадылар. Соныннан иң  бердәм  командаларга грамоталар тапшырылды. 

     В соответствии с  письмом Министерства просвещения Российской Федерации  № МР-88/06 от 11.02.2019  в школе сегодня учащимися 5-9 классов  был  проведён  «Урок цифры».  Урок направлен на развитие ключевых компетенций цифровой экономики у школьников, а также на их профориентацию для осуществления дальнейшей деятельности в сфере информационных технологий. Каждый ученик получил сертификат участника

Бүген Иске Кырлай төп гомуми белем мәктәбе башлангыч профсоюз оешмасы җыелышы үткәрелде. Җыелышның көн тәртибе:

1. 2017-2019 елларга төзелгән коллектив договорның 2018 нче елда үтәлеше.

2. 2019 нчы елга коллектив договорда үзгәрешләр һәм өстәмәләр. 

21 нче февраль - Туган тел көне. Шул уңайдан мәктәбебездә "Туган телем - иркә гөлем" исемле класстан тыш чара үткәрелде.  Чараның максаты туган телгә - ана телебезгә мәхәббәт тәрбияләү, телебезне сакларга һәм якларга кирәклеген төшендерү, туган телнең матурлыгын тоярга өйрәтү. Милли киемнәр  кигән укучылар чарада бик актив катнаштылар. 

Туган телдә җырлый чишмә,

Туган телдә шаулый таллар.

Туган телдә дәшсәм генә,

Туган җирем мине аңлар.

                             Р.Вәлиев.

     Мәктәбебездә "Китап бүләк ит" исеме астында Россия күләмендә уздырылучы акция үтте. Укучылар үзләренең яраткан китапларын бер-берләренә бүләк иттеләр, бергәләп китап укыдылар. Бу акция бүгенге көндә бик актуаль һәм кирәкле булды. Шундый чаралар алга таба да булсын иде.