14 МАРТ - Бөтендөнья елгалар көне.  Бүген уздырылган класстан тыш чараның темасы- "Татарстан елгалары буенча сәяхәт". Әлеге чарада укучылар Татарстандагы елгаларның атамаларын, алар турындагы мәгълүматны кызыксынып тыңладылар, "дүрт елга иле" дип йөртелүче төшенчә белән таныштылар, рус һәм татар телендә елга атамаларын әйтергә өйрәнделәр. Карта буенча елгаларны эзләп, күрсәтә алдылар. 

Бүген бәйрәм уңаеннан мәктәпкә хөрмәтле әниләребез кунакка килделәр. Укучылар әниләребезне котлап бәйрәм концерты күрсәттеләр. Әниләребез дә актив булдылар, уеннарда бик теләп катнаштылар. Ахырдан укучылар үз куллары белән ясалган бүләкләрен әниләргә тапшырдылар.  

Озакламый язның беренче бәйрәме -8 МАРТ - Халыкара хатын- кызлар көне якынлаша. Әлеге бәйрәм уңаеннан укучыларыбыз буш вакытларын кадерле әниләренә бүләк ясауга багышладылар. 

Бүген мәктәбебездә "ГТО ны  бөтен гаилә белән" исеме астында акция уздырылды. 9 класс укучыларының әти-әниләре чаңгыда шууда, тупны кольцога кертүдә һәм озынлыкка сикерүдә үз көчләрен сынадылар. Уеннар кызыклы һәм файдалы үтте. 

 6 - 7 класс укучылары 23 февраль уңаеннан үзләренең якыннарын мәктәпкә бәйрәмгә чакырдылар. Башта үзләренең шигырьләрен, җырларын бүләк иттеләр, аннары "Ир-егетләр" һәм "Укучылар" командасы арасында бәйге булды. Барысы да бик актив катнаштылар Бәйрәм бик күңелле үтте.

Бүген 5 - 9 класс егетләре арасында "Егет булса - шундый булсын" исеме астында уен үткәрелде. Укучылар "Солдатлар" һәм "Партизаннар" командасына бүленде һәм төрле авырлыктагы биремнәр башкардылар. Укучылар бик актив булдылар. Кызлар үзләренең котлауларын җыр - бию ярдәмендә җиткерделәр. 20  :  17 очкосы белән ""Партизаннар" командасы өстен чыкты. Уукучыларга грамота һәм истәлекле бүләкләр тапшырылды.

 21 февраль - Бөтендөнья туган тел көне дип игьлан ителде. Шул уңайдан мәктәбебездә шушы бәйрәмгә багышланган кичә уздырылды. Укучылар милли киемнәрдән киенеп килгәннәр. Бергәләр "Туган тел" җырын башкардылар, татарча диктант яздылар, ахырдан бергәләп татарча биеделәр.

 19 февраль - 24 февраль тарих атналыгы дип игълан ителде. Шул уңайдан 21 февраль көнне 8 - 9 класс укучылары арасында "Бөек Ватан сугышы" темасына багышланган "Йолдызлы сәгать" үткәрелде. Тарих укытучысы Хабибуллина Гөлназ Галимҗан кызы кичәне бик эчтәлекле итеп алып барды. Укучылар да актив катнашты.  Бәйгедә иң күп йолдыз җыеп 9 класс укучысы Сайфуллина Динә җиңеп чыкты.

Бүген Ватанны саклаучылар бәйрәме уңаеннан  1-4 класс укучыларының әтиләре мәктәпкә кунакка килделәр. Укучылар әтиләргә багышлап шигырьләр сөйләделәр, җырлар башкардылар. Әтиләр һәм укучылар бергәләшеп уеннарда катнаштылар. Бәйрәм ахырында укучылар әтиләренә үз куллары белән ясаган бүләкләрен бүләк иттеләр.