Әзәк башлангыч мәктәбендә М.Җәлилнең 111 еллыгы уңаеннан" Муса абый - балаларның яраткан шагыйре" темасына кичә үткәрелде. Анда балалар М.Җәлилнең шигырьләрен сәнгатьле итеп сөйләделәр, шагыйрьнең тормыш юлы белән таныштылар.
 

Февраль  ае мәктәбебездә хәрби  - патриотик ай дип игълан ителде.  Әлеге айлык кысаларында укучылар белән план  нигезендә  эш алып барыла.  15  нче  февраль көнне, Герой  - шагыйрь Муса Җәлилнең  туган  көне уңаеннан, укучылар белән   берлектә  тарих укытучысы Хәбибуллина Г.Г.  башкарган  эзләнү  эшен йомгаклап, " Авылдашыбыз Шәйдуллин Лотфулла - герой -шагыйрь Муса Җәлилнең көрәштәше"  дигән темага зур  кичә  үткәрелде. Әлеге кичәдә Шәйдуллин Лотфулла абыйның  Иске Кырлай авылында гомер итүче кызы Шакирова Миннебикә  апа да  катнашты.  Муса Җәлилләр әзерләп чыгарган  баш күтәрүче 825 нче батальон составында булган  - легионер авылдашыбызны зурлап  искә  алдык. Курку белмәс батырларның һәрберсенә туган иле, туган йорты, гаиләсе, балалары рухи көч биреп торгандыр. Алар татар халкының намусы һәм горурлыгы.Алар барысы да сәяси яктан тулысынча акланырга тиеш дип уйлыйбыз. Аларның исемнәрен мәңгеләштерү  безнең, исәннәрнең, изге бурычы.

15 февраль герой- шагыйрь Муса Җәлилнең туган көне. Шул уңайдан,  1 - 4 класс укучылары белән китапханәче Ахметзянова Г.Х. "Гомерем минем моңлы бер җыр иде..."  темасына кичә үткәрде. Кичә барышында укучылар шагыйрьнең тормыш юлы, Бөек Ватан сугышында күрсәткән батырлыклары белән таныштылар. Балаларга багышлап язылган шигырьләрне яттан сөйләделәр.

Бүген, көн буранлы булуга да карамастан, мәгариф идарәсе профсоюз членнары  арасында чаңгы ярышлары үткәрелде. Ярышларда безнең мәктәбебезнең чаңгычылары- Ситдиков А.Г., Гилязиев Х.Р., Ахметзянова Г.Х., Гилязутдинова А.Р.  эстафета ярышында  1 урынга лаек булдылар. Укытучыларны әлеге зур җиңүләре белән котлыйбыз, эшләрендә зур уңышлар телибез! Сез молодцы!!!

Безнең мәктәптә “Туган тел көннәре” кысаларында “Шигырь сөйлим туган телемдә”  дигән әдәби кичә үткәрелде.  Укучылар танылган шагыйрьләребезнең туган тел турында шигырьләрен сөйләделәр. Туган телебезгә мәдхия җырладылар.

Бүген Арча стадионында 22 кышкы Олимпия уеннары һәм 11 Паралимпия уеннарына багышланган "Бердәм ил- бер команда" исеме астында чаңгы ярышлары үткәрелде. Әлеге ярышта безнең мәктәп командасы да актив катнашты. 2007-2010 елгы малайлар арасында Низамутдинов Кәрим 2 урын, 2002-2004 елгы кызлар арасында Сайфуллина Динә - 2 урын, Хәбиева Ландыш - 3 урын, 2000-2001 елгы кызлар арасында Фазлиева Илүзә - 2 урын, 2000-2001 елгы малайлар арасында Ахметзянов Алмаз - 3 урын, 2002-2004 елгы егетләр арасында Шакиров Илназ - 1 урын яуладылар. Эстафета  ярышында малайлар командасы -1 урын, кызлар командасы - 2 урын алдылар. Чангычыларыбызны һәм аларның тренерлары Ситдиков А. Г.ны әлеге җиңүләре белән котлыйбыз!

   Сегодня в школе провели Республиканскую  акцию «Яркая здоровая зимушка-зима».  Участники  отряда  STS  вместе со учащимися 1-4 классов вышли на школьный двор.   С учениками  провели разъяснительную беседу о здоровом образе жизни и провели любимые подвижные  игры  на свежем воздухе.

Мәктәбебездә хәрби-патриотик айлык бара. Укучылар район күләмендә үтәчәк "Аҗаган" уенына әзерләнәләр. Физкультура укытучысы Ситдиков А.Г. мәктәп командасын пневматик мылтыктан атарга,гранаталар ыргытырга, марш атларга, винтовка сүтеп-җыярга өйрәтә. Унынчы февральдә үтәчәк уеннарда укучыларга уңышлар телибез.

Бүген 8-9 класс укучылары Арча районы ПДН инспекторы капитан Э.С.Усманова белән очраштылар. Инспектор җәмәгать урыннарында үзенне тоту кагыйдәләрен искә төшерде, яшүсмерләр тарафыннан хокук бозу очракларына мисаллар һәм алар китергән нәтиҗәләр белән таныштырды. Кичке рейдлар турында кисәтте һәм һәр бала  22.00 дән соң өйдә булырга тиеш дип аңлатты. Укучылар үзләрен кызыксындырган сорауларга җаваплар да тыңладылар.