МБМБУ  «Арча  5 нче балалар бакчасында  «Татар малае, татар кызы» бәйгесе узды. Безнең балалар бакчасыннан, әзерлек төркеменә йөрүче Бариева Алия катнашты.Иң зирәк кыз номенациясендә җиңү яулады. Афәрин, Алия.

Иртәнге аш балалар өчен бик файдалы. Безнең бакчада аны 8.30 сәгатьтә ашыйлар. Рационда боткалар, батонга ягылган май, сыр, чәй бар. 

Кошлар – безнең канатлы дуслар, дибез. Ә аларны саклау – һәрберебезнең уртак бурычы. Без бакча балалары белән канатлы дусларыбызга ярдәм йөзеннән сыерчык оялары ясап, аларны элү хәстәрен күрәбез. Бакчада «Сыерчык оясы» бәйгесе игълан ителгәч, төркемебездәге балалар әти-әниләре белән бергәләп язның җырчы хәбәрчеләре – сыерчыкларга бик матур оялар ясадылар. Иң яхшы оя ясаучыларны билгеләп үттек. Барлык оялар да балалар бакчасында үсеп утыручы каен агачларында урын алды. Ерак юллар үтеп туган якларына кайткан кошлар безнең матур ояларыбызда куана-куана сайрыйлар. Алар шулай итеп безгә рәхмәт әйтәләр, күрәсең. Хәзер инде кошларга күңелләренә хуш килгән ояны сайлап, гаилә кору эшенә керешәсе генә калды.

Көннәр матурланды, кояш көлеп карый. Саф һавада уеннарны бик яратып уйныйлар, кар әле бетмәгән, рәхәтләнеп чана шуалар.

Кичәнең  максаты: балаларда ана теленә, аның традицияләренә, милли- җырлы-биюле уеннарына, гореф- гадәтләренә ихтирам, мәхәбәт тәрбияләү. Әбиләргә карата хөрмәт, аларга инсафлы булу, ихтирам итү күнекмәләре тәрбияләү. Аларның гаиләдәге абруен, күрсәткән хезмәтләрен хөрмәтләү. Халык иҗаты, халкыбызның мирасы аша әдәплелеккә өйрәтү.

Онлайн форматта булса да, балаларның әниләренә булган рәхмәтләре җыр - бию аша чагылды. Әниләренә ясап биргән бүләкләре әниләрне бигрәк тә шатландырды.

Район күләмендә үткәрелгән конкурсларда балалар әти- әниләре белән берлектә бик теләп катнашалар. Сыерчык оялары ясауда да алар актив катнаштылар.Бик җыйнак, матур оялар булды.

Гаиләнең, терәге – ир-ат, әти кеше. Безнең татар халкында борыңгыдан әти кеше – гаилә башлыгы итеп, аңа зур ихтирам, олы хөрмэт белән караганнар, бу бүгенге көндә дә шулай кала бирә. Ни әйтсәңдә гаиләнең бөтенлеге, барлыгы аның җилкәсендә. Әтиләр ил терәге, гаилә таянычы да. Безнең әтиләребез, картатайларыбыз, без тыныч яшәсеннәр, матур уйнасыннар, тамакларыбыз тук булсын, илебез имин булсын өчен Ватаныбызны саклаганнар. Без бу кадерле кешелэребезне 23 февраль – Ватанны саклаучылар көне белән тәбрик итәбез! Сезгә, хөрмәтлеләребез, ныклы сәламәтлек, балаларыбызга урнәк булуыгызны, гомерләрегез озын булып, тыныч күк йөзе астында яшәргә насыйп итсен!

Занятиеның максаты:балаларны кәгазь белән эш итүне өйрәтергә дәвам итү, аппликацияне ясау ысуллары белән таныштыруны дәвам итү; бармак моторикасын үстерү, күз үлчәмен ныгыту, тәрбияче инструкциясе белән эш итүне ныгыту; табышмакларга дөрес җавап табырга өйрәтү; шигырьне игътибар итеп тыңларга өйрәтү.