Мәктәбебездә география-биология атналыгы кызыклы чараларга үрелеп дәвам итә. Бүген 5 нче һәм 6 нчы класслар катнашында “Кызыклы география” исеме астында китапны презентацияләү чарасы булып үтте. Педагогика фәннәре докторы, КФУ профессоры, география фәне теория һәм методикасы, туган якны өйрәтү укытучысы Җ. Хөсәеновның бу китабында кызыклы географик сораулар, мәсьәләләр, викториналар, башваткычлар тупланган. Аларны география дәресләрендә, Бердәм дәүләт имтиханнарына әзерләнү чорында һәм сыйныфтан тышчараларда да киң файдаланырга мөмкин.
 

      Бүген география - биология атналыгы кысаларында югары квалификацион категорияле укытучы Сәгыйдуллина Ч.Р. 8 нче сыйныфта география фәненнән “Кавказның табигый-территориаль комплекслары” темасына ачык дәрес үткәрде. Дәрес укучыларның яшь үзенчәлекләрен, дәреснең заманчалыгын, тормыш белән бәйләнешен исәпкә алып, укучыларга аңлаешлы, фәнни югарылыкта үтте.

     В рамках недели географии и биологии, учительница высшей квалификационной категории Сагидуллина Ч. Р. проводила нетрадиционную форму занятия в форме игры-викторины. Викторина была основана на игровых обучающих ситуациях. В работе использовались вопросы поискового характера, создавались проблемные ситуации, вопросы на сообразительность и логического мышления.

            Хәрби - патриотик айлык кысаларында мәктәбебездә Батырлык дәресләре узды. Батырлык дәресләренең тематикасы төрле иде. “Сталинград сугышы”, “Җирлегебездәге сугыш ветераннары язмышы”, “Батырлык үрнәкләре”, “Безнең заман батырлары”, “Тарих эзләрендә калган геройлар” һ.б.  Балалар тарихыбызны өйрәнергә, батырлар исемен белергә һәм алар үрнәгендә тәрбияләнергә тиеш.

     Сикертән төп гомуми белем мәктәбендә география - биология атналыгы башланды. Атналыкта укучыларның танып - белү эшчәнлеген үстерү буенча чаралар планлаштырыла: фәннәр буенча викториналар, гамәли эшләр, КВН, экологик тренинг, иҗади конкурслар. Бүген укучылар биологик кроссвордлар чиштеләр.

   I категорияле математика укытучысы Бәдриева Ф.Х. 5 нче класс укучылары белән “Гади вакланмаларны кушу һәм алу”ны  кабатлау темасына ачык дәрес уздырды. Дәрес укучыларга аңлаешлы, фәнни югарылыкта оештырылган. Дәреснең максаты “Математика” фәненә кызыксыну уяту, укучыларның хәтерләрен, уйлау-логик фикерләү сәләтләрен үстерү, коллективта эшләп, бер-береңне тыңлый белү, аралашу культурасын тәрбияләү иде. Укучылар дәрестә бик актив булдылар.

       2 нче февраль көнне Иске Кырлай мәктәбе базасында Фәнил Гарафиев истәлегенә традицион чаңгы ярышлары булып узды. Укучыларыбыз бу ярышта уңышлы чыгыш ясадылар.  Ярышта Шәмсемөхәмәтова Илүзә, Гарипов Әмир, Могыйнов Ранил, Солтанова Зәринә, Солтанова Рәзилә, Каримов Инсаф катнаштылар. Укучыларны Ярышка физик тәрбия укытучысы Нәбиуллин Разил Расипович әзерләде. 5 нче класс укучысы Шәмсемөхәмәтова Илүзә мактаулы 3 нче урынны алды. Илүзәне котлыйбыз. Алдагы ярышларда барлык укучыларга да уңышлар телибез.

         Математика фәненә мәхәббәт тәрбияләүне класстан тыш чаралардан башка күз алдына китереп булмый. Балаларның кызыксынуларын һәм теләкләрен истә тотып оештырылган чаралар фәнне яхшырак үзләштерүгә ярдәм итә. Мәктәбебездә уза торган математика атналыгы ел саен кызыклырак була, күңелләргә кереп кала. Мәсәлән, “Математика патшалыгына сәяхәт”, “Математик ярминкә”, “Математика һәм серле сандык”, “Төшенчәне таны” уеннары укучыларга бик кызыклы, ошый. Бүген исә 7 класс укучылары өчен “Математика һәм серле сандык”- интеллектуаль уены тәкъдим ителде.

       Сикертән ил язмышында үз эзләрен калдырган тарихи шәхесләре, атаклы кешеләре, истәлекле вакыйгалары белән данлыклы. Егерменче йөз башы әдәбияты һәм мәдәнияте өлкәсендә күренекле урын алган атаклы драматург, сүз остасы, журналист, җәмәгать эшлеклесе, тәрҗемәче, татар театрына нигез салучы, ялкынлы публицист, Галиәсгар Камал – туган ягыбыз горурлыгы. Кабатланмас талант иясе, давыллы еллар җырчысы, татар драма әдәбиятының атасы, татар сәхнәсе өчен аның тууына ничәмә еллар үзенең әсәрләрен, зур байлыгын бирә алган сөекле язучыбыз ул - Галиәсгар Камал. Аның тууына 140 ел булды. Зур вакыйга уңаеннан мәктәбебездә Г.Камалга багышланган әдәби-музыкаль кичә үткәрелде. Укучылар олы шәхеснең тормышы һәм иҗаты буенча чыгыш ясадылар, шигырьләр сөйләделәр.

        Математика укытучысы Ибраһимова И.И. бүген  7 нче класста “Күпбуыннарны кушу һәм алу, бербуыннарны тапкырлауны кабатлау” темасына ачык дәрес үткәрде. Әлеге дәрестә укытуның традицион метод һәм алымнары белән беррәттән яңа педагогик технологияләр дә кулланды. Дәрес балаларның яшь үзенчәлекләрен, дәреснең заманчалыгын, тормыш белән бәйләнешен исәпкә алып төзелгән. Укытучы укучыларны мавыктыргыч гамәлләр аша уку эшчәнлегенә тарта. Дәрескә сайланылган белем алу чыганаклары, укучылар эшчәнлеген оештыру алымнары – барысы да укучыда универсаль уку гамәлләре формалаштыру өчен нигез булып тора