"География атналыгы" кысаларында, география укытучысы Р.Г.Камалиев 6 класста "Атмосферада су парлары" темасына ачык дәрес оештырды. Дәрестә укучыларның белеме, фикер йөртү сәләтләре ачыкланды. Яңа төр укыту алымнары куллану турында сөйләшенде.

   26 февраль көнне "Без бергә!" балалар иҗат фестиваленең район туры булып узды. Мәктәбебез укучылары бу ярышта зур уңышларга ирештеләр: 4 призлы урын яуладылар. Котлыйбыз!

   Авылыбыз уртасында Бөек Ватан сугышында һәлак булганнар истәлегенә һәйкәл тора. Ел саен шушы мемориалга 6 класс укучылары шефлык итәләр. Бөек Җиңүнең 75 еллыгы якынлашкан көннәрдә 6 класс укучылары зур җавапчылык тоеп һәйкәлгә шефлык итәләр. Бүген дә алар һәйкәл тирәсен кардан, боздан арчыдылар.

   6 класс укучылары өчен  "Әдәпленең күлмәге сәдәпле, үзе матур гадәтле" исеме астында тәрбия сәгате узды.  Укучылар сакчыллык, пөхтәлек, кешелеклелек, тыйнаклык, әдәплелек төшенчәләрен аңлап калдылар. Соңыннан үз-үзеңне тәрбияләү планы төзелде.

   Укучыларны киләчәккә әзерләү, һөнәр сайлау буенча төрле чаралар үткәрелә. Бүген 9 класс укучылары Арча агросәнәгать колледжы хезмәткәрләре белән очраштылар.  Агросәнәгать хезмәткәрләре колледжда алырга мөмкин булган һөнәрләр, укуга булган таләпләр белән таныштырдылар. Укучылар үзләрен кызыксындырган сорауларга җавап алдылар.

   Беренче класс укучылары тәүге дәреслек - "Әлифба" дәреслеге белән саубуллашалар. Мәмсә башлангыч мәктәбе филиалында бу бәйрәмне уздырдылар. Укучылар "Әлифба" дәреслеген онытмаслар!

   Бүген илебез халкы олы бәйрәм - Ватанны саклаучылар көнен билгеләп үтә. Безнең мәктәптә бу бәйрәм кысаларында волейбол ярышлары оештырылды. Мәктәбебезне тәмамлап, Татарстанның төрле почмакларында яшәүче ир-егетләребез кайтты бу ярышларга. Әтнә, Биектау районнарыннан, Арча, Казан шәһәрләреннән кайтканнар иде алар. Киеренке ярышта яшьләр командасы җиңеп чыкты.

    Юнармия отряды әгъзалары 23 нче февраль - Ватанны саклаучылар көненә карата стена газетасы чыгардылар.  Алар мәктәптә укытучы абыйларына багышлап, армия сафларында булганнарның тормыш юлларын тасвирлап бирделәр. Бу газета кече яшьтәге укучыларда зур кызыксыну уятты.

   23 февраль - Ватанны саклаучылар көне. Бүген иртәдән мәктәп гөрләп тора. Кызлар егетләрне- булачак солдатларны бәйрәм белән котладылар. Алар егетләр турында кызыклы видеоязмалар әзерләгәннәр, мәктәбебездзге иң-иң егетләрне билгеләделәр. Юнармия отряды әгъзалары спортның төрле төрләре буенча  "Иң шәп егет" конкурсы оештырдылар, шул егетләрне котладылар.

    Мәктәбебездә төрле даталарны билгеләп үтү традииягә керде. 21 февраль - туган тел көне. Бу көнне укучылар үзләрен төрле ярышларда сынадылар, телебезнең матурлыгы, аралашу коралы булуы турында сөйләштеләр.