Бүген, 4 нче класс укучылары рус теле фәненнән Бөтенроссия тикшерү эшенең  2 нче өлешен эшләделәр

Бүген, 13 май көнне, “Тукай эзләре буйлап” җәяүлеләр сәяхәте Арча- Өчиле-Яңа Кырлай маршруты буйлап юлга чыкты. Монда Әтнә, Арча, Балтач, Биектау, Саба районнарыннан килгән, төрле конкурсларда җиңүче  сәләтле  укучылар, укытучылар, кунаклар катнашты. Мәктәбебез коллективы кунакларны ачык йөз,чәк-чәк белән каршы алды. Алар өчен укучылар тарафыннан бик матур кичә оештырылды. Кичәдә конкурсларда җиңү яулаган  укучыларның Г.Тукай шигырьләрен сәнгатьле итеп укулары, дәртле биюләре, моңлы җырлары кунакларны әсир итте. Сәяхәтчеләр Тукай иҗатына чын күңелдән гашыйк ветеран укытучы Зыятов Фәрхәт Гани улының шагыйрьнең Өчиледәге тормышы турында эчтәлекле чыгышын бик җылы кабул иттеләр.

Бүген, 4 нче класс укучылары рус теле фәненнән Бөтенроссия тикшерү эшендә катнаштылар.

Мәктәп яны тәҗрибә участогында бу көннәрдә кызу эш бара.

Бөек Җиңүнең 71 еллыгына багышлап, Халыкара "Үлемсез полк"  акциясе  үткәрелә. Акция  сугыш һәм тыл ветераннарын хөрмәтләү, алар үткән  данлы юлларны искә төшерү максатыннан уздырыла. Безнең мәктәп укучылары да укытучылар белән берлектә  "Үлемсез полк" составында парадта алгы сафларда барачак  ветераннарның  фотопортретларын әзерләделәр  һәм  бу  акциядә катнаштылар. Дан Сезгә, хөрмәтле ветераннар! Безнең арада булмасагыз да, без Сезне хәтерлибез. 

Кадерле ветераннар  һәм тыл хезмәтчәннәре! Хөрмәтле,  дуслар!  Сезнең барыгызны да бөек тантана, зур шатлык — Бөек Җиңүнең 71 еллык бәйрәме белән котлыйбыз! Күгебез  һәрчак  аяз, дөньялар  тыныч,  илләр  имин  булсын!  

Күкчә-Бирәзә башлангыч мәктәбе укучылары сугышның бөтен авырлыгын күргән хезмәт ветеранннарын Бөек Җиңү бәйрәме белән котладылар.Ветераннар һәйкәлгә венок салып, сугышта һәлак булган авылдашларын искә алдылар.Җир йөзендә башка сугышлар булмасын иде дип теләкләр теләделәр.

Күкләребез мәңге аяз булсын,
Беркайчан да күрмик сугышны, дип тели Югары Бирәзә башлангыч мәктәбе укучылары да.

Югары Бирәзә башлангыч мәктәбе укучылары Бөек Җиңүнең 71 еллыгына рәсемнәр ясадылар.
              Тыныч булсын илебез,
               Без тынычлык телибез!

Иске-Йорт башлангыч мәктәбе укучылары Бөек Җиңүнең 71 еллыгы уңаеннан ,җирдә мәңгелек тынычлык булсын өчен аяусыз көрәшеп  һәлак булган авылдашлар хөрмәтенә һәйкәлгә венок салдылар,сугыш һәм хезмәт ветераны Фазлыев Равил Шагиәхмәт улын бәйрәм белән котладылар.
Картаймагыз әле,ветераннар,
Картаймагыз,әй,сез тынмас җаннар!
Сезгә тиеш әле бик күп назлар,
Сезгә тиеш әле бик күп язлар.