Бүген мәктәбебездә  ата-аналар җыелышы булып үтте. Көн тәртибендә чирек нәтиҗәләре һәм  чыгарылыш класс укучыларының алда торган имтиханнарына әзерлекләре; балаларның иминлеге, интернет куркынычсызлыгы, туклану  мәсьәләләре каралды. Әти-әниләргә укучыларның юлда йөрү кагыйдәләре, аларның иминлеге, яктылык кайтарткычларны даими күзәтү астында тотарга кирәклеге искәртелде. 

Арча районы укучылары арасында "Иң яхшы шахматчы -2022" исеменә үткәрелгән шахмат ярышында укучыларыбыз Мостафин Дилюс, Валиев Айназ, Галимҗанов Рәзил төп мәктәпләр арасында II урынга лаек булдылар (Тренеры - физика укытучысы Г.Г. Хидиятуллина). Котлыйбыз, киләчәктә дә уңышлар телибез!!!

Имтиханнарга әзерлек каникул көннәрендә дә дәвам итә. Чираттагысы математика фәненнән иде.

Яңа  ел  белән   күңеллергә яңа өметләр, ышанычлар килә.

Ышанычыгыз, йөрәгегезнең серле бер почмагында сакланган өметегез тормышка ашсын, бәхетегез мөлдерәмә тулып торсын. Гомерегез шатлыклы, куанычлы, мул ризыклы булсын, сәламәтлектә узсын. Шатлыклы хәбәрләр, бәхетле көннәр узган елдагын да кубрәк булсын, күңелсезлекләр иске елда калсын.  Декабрь бураннары алып килгән Яңа ел белән котлыйбыз! Бәйрәмегез мөбарәк,  ризык тулы өстәлегез түгәрәк,  күңелле, куанычлы булсын.  Эшләрегез уң булсын,  күңелегездәге мәрхәмәтлелек нуры йөзегезне тагын да  бизәсен.  Бусагаларыгыздан караңгылык, салкынлык, хәвеф-хәтәр атлап кермәсен, бәла-каза  йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа 2022 нче ел.  Гаилә бәхетегез учагы гел балкып торсын.

Бүген мәктәптә профсоюз членнарының зона буенча шашка, шахмат ярышлары булып узды

Кичә һәм буген мәктәбебездә иң  сихри, әкияти  һәм тылсымлы-могҗизалы  бәйрәмнәрнең берсе - Яңа ел бәйрәме шаулап - гөрләп үтеп китте. Матур җырлаучыларга, оста биючеләргә, шигъри аһәңнәргә һәм әкияти киемнәргә килгән кунаклар гына түгел, хәтта Кыш бабай үзе дә сокланып утырды. Алай гына түгел, үзе дә кушылып биеде, җырлады... 

Яңа ел җитәргә санаулы көннәр генә калып бара, ә аңа әзерлек мәктәбебездә күптән башланды. Мәктәбебез бизәлде, укучылар тырышып, күңел җылысын биреп ясаган кул эшләнмәләре алып килделәр, Һәр сыйныф журнал чыгара...Кыскасы, әзерлек тулы көченә бара. Ә бүген бер төркем укытучыларыбыз  һәм хезмәткәрләребез район стадионында  кар сыннары ясадылар. Зур рәхмәт сезгә, коллегаларыбыз!

Яңа ел могҗизаларын укучылар үз куллары белән булдырдылар! Бу көннәрдә укучылар Яңа ел бәйрәменә әзерләнә. Һәр класс тырышып сыйныф бүлмәләрен бизи, газета чыгара, поделка ясый, концерт номерлары өйрәнә һәм төрле костюмнар әзерли.