22 марттан 24 мартка кадәр Идел буе дәүләт физик культура, спорт һәм туризм академиясе базасында  туган теле һәм әдәбияты укытучыларының Бөтенроссия “Туган тел” конкурсының йомгаклау этабы  үтте.  Конкурс «2014-2021 елларга Татарстан Республикасында Татарстан Республикасы дәүләт телләрен һәм башка телләрне саклау, өйрәнү һәм үстерү» дәүләт программасын гамәлгә ашыру кысаларында һәм Татарстан Республикасы мәгариф һәм фән министрлыгының 2019-2022 уку елына эш планы нигезендә үткәрелде. Конкурста районыбызның данын  яклап, мәктәбебезнең  татар теле һәм әдәбияты укытучысы Шакирова Ләйсән  Мансур кызы  бик уңышлы чыгыш ясады. Аны ихлас котлыйбыз, киләчәктә дә уңышлар телибез!

Компьютерда интерактив уеннар укучыларның иҗади мөмкинлекләрен камилләштерә,  танып белү активлыгын үстерә, белемнәрен тирәнәйтә  һәм  зур кызыксыну уята. Каникул көннәрендә дә укучыларыбыз бер-берсе белән ярышып һәм бер- берсенә ярдәмләшеп, интерактив уеннар уйнадылар.

Март ае – яз башы, бик матур ай.  Бу ай озак заманнар  буе Яңа елның беренче ае булып йөргән. Көннең төнне куып җиткән вакытында, Кыш бабайның чәчләре су булып акканда, безнең бабаларыбыз, әбиләребез язны – Нәүрүзбикәне каршылаганнар. Бу көнне үзләренең матур теләкләрен  Нәүрүзбикәгә әйтеп калдырырга тырышканнар.

Нәүрүз бәйрәме – язны каршылап, язгы чәчү эшләре алдыннан үткәрелә торган халык бәйрәме ул.  Бүген бәйрәм. Бүген Нәүрүз. Нәүрүз шатлык, бәхет алып килә. Нәүрүз – яз бәйрәме.

7 нче сыйныфта тарих һәм җәмгыять белеме укытучысы Х.Х. Валиева «Россия беренче Романовлар вакытында; дәүләт төзелешендәге үзгәрешләр» темасына ачык дәрес уздырды.

Хокуклар – кешегә шәхес буларак яшәү һәм үсү өчен кирәк булган шартлар. Һәрбер кешенең яшәргә, ирекле һәм бәхетле булырга хокукы бар. 8-9 сыйныф укучылары катнашында “Минем хокукларым һәм бурычларым” исемле хокукый турнир үткәрелде.

17 март көнне  мәктәбебездә " Кырымның Россиягә кушылуы" турында сыйныф сәгатьләре булды. Укучылар  белән, Кырым Республикасының тарихы, халкы, тарихи һәйкәлләре, төрле яулаучылар белән күп еллык көрәшүе, кырымлыларның Бөек Ватан сугышында катнашуы, Севастопольне саклау, Россия өчен ярымутрауның мөһимлеге турында әңгәмәләр үткәрелде, презентацияләр каралды.  Бүген гражданлык-патриотик тәрбия аерым әһәмияткә ия, ул тарихи фикерләүне формалаштыра, туган ил тарихын өйрәнүгә кызыксыну уята,  укучыларда патриотизм хисе тәрбияли.

Буген мәктәбебез зур кунаклар кабул итте. "Ватаным  Татарстан"  газетасы журналистлары Риман ага Гыйлемханов җитәкчелегендә Тукай эзләре буйлап сәяхәт иттеләр.. Алар мәктәбебезнең "Туган якны өйрәну музее" нда Тукайның Өчиледәге тормышына кузәту ясадылар. Зиннәтулла бабай нигезендә булдылар. Зиннәтулла  бабай муллалык иткән мәчет белән таныштылар. Кунакларны Арча районы башкарма комитетының социаль мәсьәләләр буенча урынбасары Мухаметшина Алинә Таһир кызы һәм мәдәният идарәсе җитәкчесе  Әюпов Илфар Илдар улы озатып йөрде.

Тарих атналыгы дәвам итэ. Буген 5 нче сыйныф укучылары белән "Туган ягым-Татарстан" дип исемләнгэн тарихи уен-викторина узды. Максат: укучыларда туган телгә карата кызыксыну уяту,аларның Татарстан, аның куренекле кешеләре, истәлекле урыннары турында белемнәрен киңәйтү, фикерләу сәләтләрен устеру, әдәплелек, ярдәмчеллек сыйфатлары тәрбияләргә омтылу.