Бүген "Ал җилкәннәр" исемле мәктәп яны лагере эшли башлады. Бөтендөнья балаларны яклау көне уңаеннан, күңелле уеннар үткәрелде. 

Бөек Җиңүнең 70 еллыгына багышланган "Дуслык" учагында үткәрелгән ярышларда мәктәбебезнең  командасы III нче урынга лаек булды. Шулай ук "Салют, Победа" отчет-презентация" номинациясендә I урын, "Топографическая карта" , "Оказание первой медицинской помощи" номинацияләрендәсендә II урын яулады. Котлыйбыз аларны!

Хуш, башлангыч! Бәлки әле, безне
Онытмыйча искә алырсың.
Ә син безнең йөрәк түребездә
Гүзәл мизгел булып калырсың.

Бүген 4 сыйныф укучыларының чыгарылыш кичәсе булып узды. Сыйныф җитәкчесе Таҗиева Алсу Нигъмәтҗан кызы.

Бүген мәктәбебездә чыгарылыш сыйныф укучылары өчен дулкынландыргыч көн – "Соңгы кыңгырау" бәйрәме үтте. Хәзер аларны алда имтиханнар һәм чыгарылыш кичәсе көтә. Бүгенге бәйрәмнәр исә бик матур уздырылдылар, көне дә кояшлы һәм җылы булды. Укучылар һәм укытучылар барысыннан да канәгать калдылар.

Укучыларыбыз, Бөек Җиңүнең 70 еллыгы уңаеннан, Андрей Голубевның "Чаклун и Румбо" исемле кинофильмын карадылар.

Җәйге каникуллар алдыннан куркынычсызлык кагыйдәләрен кабатлау максатыннан, мәктәбебез укучылары белән очрашу үтте. ГИБДД начальнигы , янгын бүлекчәсе инспекторы, участок инспекторы кагыйдәләрне искә төшереп киттеләр, чыгарылыш сыйныф укучыларына алдагы имтиханнарында уңышлар теләделәр. Укучылар үзләрен кызыксындырган сорауларны бирделәр. 

Мәктәбебезнең укучылар командасы, район күләмендә үткән пляж волейболы ярышында ,II урын яулады.

Мәктәбебез, районда үткән түгәрәкләр күргәзмәсендә катнашты. Тарих укытучысы Сафаров Рубис Идрис улы, "Терморезка" дип аталган иҗади эше буенча грамота белән бүләкләде.

Бүген, мәктәбебезнең IX сыйныф укучылары татар теленнән Бердәм Республика Тесты тапшырдылар. Аларга  барысына да имтиханнарда уңышлар, әйбәт  билгеләргә  тапшыруларын телибез!

Укучыларыбыз Бөек Җиңүнең 70 еллыгына багышланган парадта катнаштылар.