Мәктәпнең эчке контроль графигы нигезендә, рус  теле укытучысы Шәрипова Рәмзия Мөхәммәт кызы  6 сыйныф укучылары белән "Сравнительная степень прилагательных" дигән темага ачык дәрес үткәрде.

Игелеклек – иң матур сыйфатларның берсе. Бу сыйфат һәркемне бизи. Безнең мәктәп укучылары да яхшы эшләр кылуда актив катнашалар. Шул уңайдан һәр сыйныф макулатура тапшыра башлады.

Бары тик сәламәт яшәү рәвеше алып барганда гына  кеше үзе дә, тормышы да матур булачак. Бүгенге көнне укучыларыбыз иртәнге зарядкадан башлап җибәрделәр. Тәнәфес вакытларында, укучылар төрле спорт чараларында катнаштылар, уеннар уйнадылар.

Әгәр һәр кем явызлыкка каршы

Гел явызлык кына эшләсә,

Шәфкать кылычы тотып,

Явызлыкның 

Юлларына каршы төшмәсә, 

Яхшылыклар күптән үләр иде,

Калыр иде бары үч, нәфрәт.

Җаннарында кояш йөрткәннәргә,

Кичерә белгәннәргә мең рәхмәт.

Комыргуҗа урта мәктәбе укучылары үзләре өчен изгелеккә, матурлыкка, дуслыкка язгы ишекләрне ачтылар. Мәктәбебездә “Язгы яхшылык атнасы” башланып китте.

Бүген мәктәбебебзнең  9нчы сыйныфында  чыгарылыш имтиханнарына  әзерләү турында ата-аналар җыелышы үткәрелде.  Имтиханнарга әзерлек буенча сыйныф җитәкчесе чыгыш ясады. Кайбер фән укытучылары  үз тәҗрибәләре белән уртаклаштылар.

Һәр шәхес нинди генә һөнәр иясе булуына карамастан, ул тәүге дәреслек –“Әлифба”ны сагынадыр, аңа рәхмәтледер.Чөнки белем “Әлифба”дан башлана. Әлифба озын гомерле,тирән мәгънәле, бәһасез байлык ул.

Бүген мәктәбебезнең 1 сыйныф укучылары укытучылары Мөхәммәтҗанова Ләлә Альбек кызы белән берлектә "Әлифба" бәйрәмен үткәрделәр. 

Кем дөньяга кеше бүләк итә,                    

Ә кешегә якты дөньяны?

Тойгылары кояш кебек кайнар,

Эретерлек гранит кыяны?

Кем куллары өйне, җирне ямьли,

Изгелеге үлчәү тапкысыз?

Ул, әлбәттә, яшәү чыганагы,

Тормыш яме - Әнкәй, хатын – кыз!

Бүген мәктәбебезнең 5 сыйныф укучылары укытучылары Сафаров Р.И. җитәкчелегендә "Тормыш яме - Әнкәй, хатын-кыз" дигән кичә үткәрделәр.

7, 8 сыйныф укучылары һәм әниләре белән берлектә,"Әнием - күңелем кояшы" исемле әдәби - музыкаль кичә үтте. Оештыручылар: сыйныф җитәкчеләре Шәрипова Р.М. һәм Шәмсетдинова К.К.

Бүген мәктәбебездә 6 сыйныф укучылары һәм аларның сыйныф җитәкчесе Шәрәфетдинова Рәйсә Зөфәр кызы оештыруында, "Сез безне - без сезне" дип аталган хаын-кызларга багышланган бәйрәм кичәсе үтте. 

Бүген укучыларыбыз Батырлык дәресендә Татарстан, Башкортостан, Удмурт республикаларында һәм Пермь өлкәсендә урнашкан кадетлар корпусы турында видео – ролик карадылар.