Мари иле республикасы Мәгариф һәм  фән министрлыгы тарафыннан МОУ  "Коркатово" лицей базасында  "Этнокультурная составляющая во внеурочной работе с одаренными детьми сельского лицея" исеме астында  оештырылган регионара семинарда  мәктәбебезнең тарих һәм җәмгыять белеме укытучысы, "Эзтабар " түгәрәге җитәкчесе Садриев Равил Мөхтәр улы уңышлы чыгыш ясап, тәҗрибәсе белән уртаклашты.

"Шәфкатьлелек" айлыгы уңаеннан   "Җимлек " операциясе игълан ителде. 14 декабрь көнне  1-7 сыйныф укучылары  өчен биология  укытучысы  Шәрипова  Ильзия  Минзөфәр  кызы  "Кышлаучы кошлар" темасына дәрестән тыш чара үткәрде. Чара  укучыларда  зур  кызыксыну  уятты. "Ашыт" заказнигы хезмәткәре Рәшит Зиннур улы  катнашып, кошлар турында күп кенә мәгълүматлар биреп, җимлекләр ясап килгән укучыларга рәхмәтен җиткерде.

Мәктәбебездә математика укытучылары семинары узды. Укытучыларыбыз Хәкимҗанова  Нурания һәм  Хәбибуллина  Айсылу  7, 11  классларда  ачык  дәресләр  күрсәттеләр. Дәресләр  бик  уңышлы  узды. Килгән кунаклар  да укытучыларыбызның  хезмәтләрен  югары  бәяләделәр.

Әниләр көне быел концерт номерлары тыңлап, кайнар чәй артында түгел, ә спортзалда көч сынашып, сәламәтлекне кайгырткан уен-ярышлар формасында үтте. Башлангыч сыйныф  җитәкчеләренең  бердәм спорт көнен әниләр көне белән берлектә билгеләп үтүен дирекция уңай бәяләде.

26- 30 ноябрьдә "Театр һәм балалар" атналыгы бара. Шул уңайдан, 26 ноябрь көнне Әтнә халык театрының яшь артистлар төркеме  белән зур очрашу булды. 

"Шәфкатьлелек" акциясе уңаеннан мәктәбебездә "Тәмле көн ярминкәләре"  үткәрелә.

21 ноябрь көнне 11 сыйныф җитәкчесе Сөнгатова Гөлнара Зөлкарь кызы 8-11 сыйныф укучылары өчен   "Безгә куркыныч яный!" дигән тема астында  террористик актлар, кешеләрне урлау,  заложник итеп алу очраклары, балаларны көчләү,  зыянлы  һәм начар гадәтләр, азартлы уеннар  турында профилактик юнәлештә тәрбия сәгате үткәрде.