Алар: 2сыйныф укучылары Борханов Әмир, Гатауллин Булат, 4 сыйныфтан Яруллин Инсаф, 10 сыйныфтан Шәрифуллина Илүзә.

24 нче сентябрь көнне 3 сыйныф укытучысы Ганиева Люция башлангыч сыйныф укучылары өчен  "Янгын куркынычсызлыгы кагыйдәләрен төгәл үтә" исеме астында тәрбия чарасы үздырды. Укучыларның элек алган белемнәре тирәнәйтелде, викторина үткәрелде һәм укучыларга рәсем конкурсына катнашу буенча өй эше бирелде. 

23 сентябрь көнне районкүләм көзге кросста 7 сыйныф укучысы Хисматуллина Зөһрә II урынны яулады.Котлыйбыз!

  21 сентябрь көнне мәктәбебезнең сәнгатьне яраткан  укучылары район мәгариф бүлеге тарафыннан оештырылган Айдар Фәйзрахманов җитәкчелегендәге Татар Дәүләт фольклор ансамбле  чыгышын карау  бәхетенә ирештеләр. 

20 сентябрь көнне мәктәп күләмендә көзге кросс уздырылды.Укучылар бик теләп катнаштылар.

2012 нче елның 20 нче  сентябрендә   бәрәңге  һәм чөгендер алу өмәсе оештырылды. Җыеп алынган уңыш кышка сакланырга урнаштырылды.

18 октябрь көнне мәктәбебезнең сәнгать юнәлешендә уңышларга ирешкән һәм драма түгәрәгенә йөрүче укучылары К.Тинчурин исемендәге татар дәүләт драма һәм комедия театрында К.Тинчуринның "Назлы кияү"спектаклен карадылар.

"Беренче сыйныф укучысына мәктәпкә имин килергә ярдәм ит!"акциясе уңаеннан 17 сентябрь көнне юл травматизмын кисәтү максатыннан 2сыйныф җитәкчесе Борханова Римма "Исән-имин йөрим дисәң,бел син юл кагыйдәсен"дигән темага дәрестән тыш чара үткәрде.1-4 сыйныф укучыларының белемнәре тикшерелде.Әлеге чарада район ЮХИДИ хезмәткәре Муллагалиев Фәнил Илһам улы катнашты.Укучыларга киңәшләрен,теләкләрен җиткерде,истәлекле бүләкләр тапшырды.

Сәламәтлеген ныгыту максатыннан мәктәп күләмендә иртәнге гимнастика даими үткәрелә.

Быелгы уку елында мәктәбебез укучылары сәнгать мәктәбенең гитара һәм баян түгәрәкләренә йөрү бәхетенә ирештеләр . Түгәрәкләргә 3-10 сыйныфлардан 27 укучы йөри . Бу түгәрәкләрне  сишәмбе һәм җомга көннәрендә Галиев Илнар Радик улы алып бара.