Югары сыйныфларда "1 нче декабрь  - СПИДка каршы көрәш көне" дигән темага тәрбия сәгатьләре үтте.

1-10 нчы декабрь дәвамында узучы "Шәфкатьлелек декадасы" уңаеннан мәктәптә төрле чаралар, "Тәмле көн" ярминкәләре, тәрбия сәгатьләре булып узды. Барлык сыйныф укучылары да бу чараларда бик теләп катнаштылар. 

24 ноябрь көнне "Әкият" Татар дәүләт курчак театры турында әңгәмә булды. 2 нчы сыйныф укучылары "Батыр әтәч" әкиятен курчак театры буларак сәхнәләштерделәр.

23 ноябрь көннебашлангыч сыйныф укытучысы Сафина Р.Р. 3 нче сыйныфта рус теленнән "Род имен существительных" дигән темага ачык дәрес күрсәтте.

23 ноябрь көнне вожатый укучылар белән берлектә 4 сыйныф укучылары Фәнис Яруллинның "Исемсез кыз" шигъри әкиятен уңышлы сәхнәләштерделәр.

ЮХИДИ хезмәтенең - 75, "Мәгърифәт" газетасының 20 еллык юбилейлары уңаеннан  "Юллар имин булсын бергәләп" дип исемләнгән республика бәйгесе үтте. Әлеге бәйгенең "Иң яхшы дәрес эшкәртмәсе" номинациясендә мәктәбебезнең башлангыч сыйныф укытучысы Борханова Римма Нурмөхәммәт кызы җиңүче дип табылды һәм 21 ноябрь көнне ТР буенча ЮХИДИнең баш дәүләт инспекторы Рифкать Миңнеханов кулыннан истәлекле бүләк, Диплом, чәчәк бәйләме  кабул итте. Котлыйбыз!  

21-26 ноябрь көннәрендә мәктәбебездә "Театр һәм балалар" атналыгы барды. Атналык өчен җаваплы педорганизатор Садриева Алия 21,22 ноябрьдә "Татар театры тарихы", "Әтнә халык театры үсеше" турында презентация-әңгәмә үткәрде.

15 ноябрь көнне  1 чирек йомгаклары буенча ата-аналар җыелышы узды. Тема: “Рухи һәм физик сәламәт яшүсмер тәрбияләү”. Наркомания буенча видиофильм каралды, “Дезоморфин – афәт ул” темасына презентация-чыгыш тыңланды. Күәм ФАП фельдшеры Төхфәтуллина Раилә Фоат кызы медосмотр нәтиҗәләренә күзәтү ясап, әти-әниләргә киңәшләрен җиткерде.

"Татфондбанк" оештырган "Авылымның 100 талантлы баласы" конкурсында безнең мәктәпнең 10 нчы сыйныф укучысы Ганиева Рамилә (укытучысы Сөнгатова Гөлнара)  җиңеп, 11 нче ноябрь көнне Корстонда үткән бүләкләү тантанасында булып кайтты. Котлыйбыз!