2011 нче елның 21 февраль - 15 апрель көннәрендә ТР МһФ министрлыгы, "Белем ру" ҖЧҖ, Арча районы Кушлавыч мәктәбе оештырган Г.Тукайның 125 еллыгы уңаеннан шагыйрьнең тормыш юлын, иҗатын, әсәрләрен яктырткан россиякүләм презентацияләр бәйгесе булып узды. Әлеге бәйгедә татар теле һәм әдәбияты укытучысы Садриева Алия Габдулла кызы "Син Тукайны беләсеңме? (турлы уен)" презентациясе белән катнашып, лауреат исемен яулады. 

27 апрель көнне "Илһамлы каләм" иҗат конкурсының бүләкләү тантанасында 11  сыйныф укучысы Миңлебаева Гөлнар һәм татар әдәбияты укытучысы Садриева Алия булып кайтты. Миңлебаева Гөлнар II дәрәҗә диплом белән укытучысы Рәхмәт хаты белән бүләкләнде.

Күәм урта мәктәбенең башлангыч сыйныф укучылары белән "Без Тукайны яратабыз" исеме астында әдәби-музыкаль кичә үткәрелде. Укучылар шагыйрьең иҗаты буенча белемнәрен ныгыттылар, сәнгатьле итеп шигырьләр сөйләделәр. Бу кичәдә Тукайның әсәрләренә, әкиятләренә нигезләнеп бөек шәхеснең әдәби мирасына мәхәббәт тәрбияләү максат итеп куелды.  

9 сыйныф укучысы Ганиева Рамилә районыбыз укучылары белән берлектә Казан шәһәренә Тукайга 125 ел тулу уңаеннан үткәрелгән шигырь бәйрәмендә булып кайтты. Рамилә күргәннәре турында сыйныфташлары белән дә теләп уртаклашты.

Казан шәһәрендә булдык - зур бәйрәмдә

Бөек Тукай туган көнендә.

Шигырь бәйрәмендә туры килде

Шүрәленең үзен күрергә.

Кәримов Рүзәл Таһир улы җитәкчелегендәге Казан шәһәренең 2 нче номерлы лицей-интернатын тәмамлаган бертөркем яшьләр, 5-6 сыйныф укучыларына әлеге лицей, анда укыту тәртипләре белән таныштырдылар. Видеофильм укучыларда кызыксыну уятты. укучыларны укырга чакырдылар.

Мәктәп күләмендә Г.Тукайның 125 еллыгы уңаеннан план буенча чаралар уза. 22 нче апрель көнне 5,6,7,8 сыйныф укучылары арасында Садриева А.Г. тарафыннан "Син Тукайны беләсеңме?" дигән турлы уен оештырылды. 4 турдан торган бу уенда ("Тукай һәм даталар", "Г.Тукайның тормыш юлы", "Г.Тукайның иҗаты", Г.Тукай сәнгатьтә") укучыларның Тукай иҗаты буенча белемнәре сыналды.  Иң тапкыр уенчылар Г.Тукай төшкән кесә календаре белән бүләкләнде.

Публичный доклад директора МОУ - Кубянская СОШ за 2010-2011 учебный год см. в нормативных документах.

15 апрель якташ язучыбыз С.Шакирның туган көне. Шул уңайдан С.Шакир музеенда башлангыч һәм урта сыйныф укучылары өчен музейга экскурсияләр оештырылды. Дәресләрдән соң "Минем авылымда Тукай булган" дигән темага тәрбия сәгате үтте. Укытучы Садриева А.Г.

13 апрель көнне шагыйрә Шәмсия Җиһангирова белән очрашу кичәсендә Миңлебаева Гөлнар катнашты. Шагыйрә иҗат итүче укучыларга төпле киңәшләрен бирде.

11 нче апрель көнне Күәм урта мәктәбендә космонавтика көне уңаеннан тәрбия сәгатьләре булып узды. 1961 елның 12 апреле галәмгә очу көне буларак билгеләп үтелә. Космик эра башлану, Юрий Гагарин турында укучылар кызыклы фактлар, ачышлар, чыгышлар тыңлады, 11 нче сыйныф укучысы Хәкимҗанова Лилия тәкъдим иткән видеоролик  эчтәлекле һәм актуаль булды. Шулай ук сыйныф җитәкчеләре укучыларга кызыклы презентацияләр күрсәтте.