8 апрель көнне ТР Мәгариф һәм Фән министрлыгы, ТДГПУ, Ш.Мәрҗани исемендәге тарих институты тарафыннан оештырылган яшүсмерләрнең Каюм Насыйри исемендәге IX регионара фәнни-эзләнү укуларында мәктәбебезнең 10 сыйныф укучысы Шаһидуллина Филсинә (укытучысы Садриев Р.М.) катнашты. Конференция Казан шәһәренең Киров районы 81 номерлы мәктәбендә оештырылды. Филсинә сертификат белән бүләкләнде.

2011нче елның 6нчы апрелендә Яшел Үзән шәһәренең 5нче гимназиясендә I республикакүләм Тукай укулары булып үтте. Күәм урта мәктәбеннән "Тукай премиясе лауреатлары"  дигән секция утырышында "Язмышларга буйсынмас җан..." (Фәнис Яруллинның тормыш юлы,иҗаты) дигән темага 10 нчы сыйныф укучысы Фәизова Алинә (укытучы Сөнгатова Г.З.) фәнни эш белән чыгыш ясады. "I республикакүләм Тукай укуларында  "Г. Тукай  премиясенә лауреатлар" темасына уңышлы башкарылган фәнни-эзләнү эше өчен" дип исемләнгән грамота белән бүләкләнде. 

31 нче март көнне Күәм профсоюз оешмасы коллективы Казан шәһәренең К.Тинчурин исемендәге дәүләт драма һәм комедия театрына барып Исламия Мәхмүтованың  "Мәхәббәт чишмәсе" спектаклен карап ял итеп кайтты.

31 март көнне Түбән Көек урта мәктәбендә узган педукуларда мәктәбебез укытучылары мастер-класс күрсәтеп, эш тәҗрибәләре белән уртаклаштылар.

Программа информатизации.

"Без бит Әтнә" яклары район иҗат фестивалендә Күәм урта мәктәбенең "Ак яулыклы әбием" җырына төшерелгән клибы тәрбияви эчтәлеге өчен билгеләнеп грамота белән бүләкләнде. Җырны 2 сыйныф укучысы Мортазина Назгөл башкарды. "Ак яулыклы әбием" клибын сыйныф җитәкчесе Сафина Резеда Рашат кызы әзерләде. Ирешелгән уңышлары белән котлап, аларга иҗади уңышлар телибез.

25 март көнне Күәм мәктәбенең 10 сыйныф укучылары Шаһидуллина Филсинә һәм Нәҗипов Илназ, Татарстан тарихы буенча VI Республика конкурсының муниципаль дәрәҗәдә җиңүчеләре, тарих укытучысы Садриев Равил җитәкчелегендә,  Күлле Киме мәктәбендә уздырылган, тарих фәннәре кандидаты Тәэминә апа Биктимерова белән очрашуда катнаштылар. Галимә Милли горурлыгыбыз булган татар хатын-кызлыры, Габдулла Тукайның тормыш юлы һәм иҗади эшчәнлеге турында тирән эчтәлекле лекция укыды.

 Соңыннан Сибгать Хәким музее җитәкчесе Луиза апа Шәмсиева әзерләгән укучыларның һәм шәхсән үзенең Сибгать ага истәлекләре турында сөйләве безнең күңелләрдә якты хисләр калдырды.

Әтнә Укучылар йортының Күәм урта гомуми белем бирү мәктәбе каршында эшләп килүче “Эзтабар” түгәрәге җитәкчесе Равил Садриев, методист Райлә Фәхретдинова, түгәрәк әгъзасы Рамилә Ганиева ТДГПУда профессор, танылган археолог Фаяз Хуҗин белән очрашып әңгәмә оештырдылар. Максатыбыз Әтнә районы археология истәлекләре турында тирәнрәк мәгълүмат туплау һәм үзебезнең эзләнүләр буенча галимнең фикерләрен тыңлау иде. Очрашудан без дә Фаяз абый да рухи күтәренкелек хисләре кичердек. Галим Рамиләбезгә үзенең шул көнне генә чыккан китабын бүләк итте.

Ученица 11 класса Кубянской средней школы Хакимзянова Лилия стала победителем в открытом республиканском конкурсе творческих работ с использованием информационных технологий "Мир сегодня и завтра" за видеоролик в номинации "50-летию комонавтики посвящается" и награждена дипломом I степени.