Күәм урта мәктәбендә  укучы егетләр өчен Спорт мәктәбе   каршында оештырылган көрәш түгәрәге эшли башлады. Түгәрәктә 4-8 нче сыйныф укучылары теләп шөгыльләнәнәләр." Саләмат тәндә -сәламәт акыл" ,- ди түгәрәк җитәкчесе Зиннәтуллин Динар.

9 нчы сентябрь көнне район күләмендә "Куркынычсыз тәгәрмәч" ярыш-бәйгесендә мәктәбебезнең "Имин юл"командасы уңышлы чыгыш ясады.Команда составында 5 нче сыйныф укучылары-Абдуллина Энҗе,Әхмәдуллина Рәзилә, Шиһапов Булат һәм Сафин Инсаф актив катнаштылар. ПДД буенча Шиһапов Булат I урын, " Беренче ярдәм"  күрсәтү буенча Әхмәдуллина Рәзилә III урынны яулап-зур бүләкләргә ия булдылар. Укучыларны котлыйбыз!

2011 елның 7 сентябрендә “Завуч.инфо” сайты аша Санкт-Петербург шәһәрендә “Педагогика чтения: межпредметный и поликультурный подход” дигән тема астында Бөтенроссия педагогик видеоконференциясе узды.  Анда катнашып мәктәбебез укытучылары Алия һәм Равил Садриевлар дипломнар белән бүләкләнделәр.

Яңа уку елында бездә яңалык! Мәктәпкә FIAT Ducato автобусы кайтты. Дусым авылыннан 14, Каенсар авылыннан 7 укучыны хәзер мәктәпкә автобус йөртәчәк. Хәерле имин юллар.

Белем бәйрәме тантанасы укучыларның әдәбия-музыкаль чыгышы белән башланды. 11 сыйныф чыгарылыш укучылары укытучыларны бәйрәм белән котлап чыгышы ясадылар. Быел 1 сыйныфка 10 укучы укырга керде, укучыларга президентыбыз Миннеханов Рөстәм Нургали улының "Ак Барс" банкы тарафыннан укучылар өчен әзерләнгән махсус бүләкләр тапшырылды. Бәйрәм тантанасына район башкарма комитеты җитәкчесе Габделнур Мәрдәнов катнашты. Укучыларны, укытучыларны бәйрәм белән котлады. Яңа уку елында барыгызны Белем бәйрәме белән котлыйбыз. Сәламәтлек, уңышлар теләп калабыз. 

1 сентябрь көнне һәр сыйныфта тәрбия сәгатьләре үтте. Укучылар "Тынычлык дәресе", чисталык дәресләре һәм экология, сәламәтлек темалары буенча презентацияләр карады, фикер алыштылар, сорауларга җавап бирделәр.

   3 сыйныф укучылары һәм сыйныф җитәкчесе Сафина Резеда: "Күгәрчен тынычлык - символы", - диләр.  

2011 нче елда "Иң яхшы укытучыбыз" ("Наш лучший учитель") грантларына ия булучылар билгеле булды. Алар арасында Күәм урта мәктәбенең математика һәм информатика укытучысы Хәкимҗанова Нурания Идерис кызы, рус теле һәм әдәбияты укытучысы Зарипова Хәлимә Хәкимулла кызы, татар теле һәм әдәбияты укытучысы Сөнгатова Гөлнара Зөлкарь кызы, тарих һәм җәмгыять белеме укытучысы Садриев Равил Мөхтәр улы да бар. Сезне чын күңелдән ирешкән уңышларыгыз белән котлыйбыз.

 1 нче июнь – Балаларны халыкара яклау көне !

Исәнме, җәй! Исәнме,  лагерь!

  Күәм урта мәктәбе каршында  оештырылган “Бәхетле балачак” лагере   1 июнь көнне 25 бала составында  үзенең   эшен  башлап җибәрде. Лагерь вакытында аларны күңелле уеннар, экскурсияләр, мавыктыргыч конкурслар көтә.

25 нче май көнне 1-8 нче һәм 10 нчы сыйныф укучылары экскурсиягә традицион маршрурт буенча  Кала тавы астына юнәлделәр. Укучылар табигать  кочагында актив ял иттеләр: балык тоттылар, уха ,  шашлык пешерделәр, футбол уйнадылар. Барлык сыйныфлар да  Кала тавының истәлекле урыннарында   булдылар, Изгеләр чишмәсенең шифалы суыннан авыз иттеләр.

Бәйрәм бүген барлык мәктәпләрдә,

Хис ташкыны безнең күкрәктә.

Укытучының моңсу карашлары

Озату сүзен яза йөрәккә

 Укулар инде безнең артта калды

Җыелыштык соңгы бәйрәмгә.

Һәркем тоя үзен әзер итеп

Таулар , диңгезләрне кичәргә.