Һәр язда да мәктәпләрдә

Соңгы кыңгыраулар чыңласын.

Балаларның шат авазы,

Беркайчан да тынмасын.

Соңгы кыңгырау яңгырый бүген

Яңа юл яра гомер агышы.

Соңгы кыңгырау әнкәй догасы

Изге юл тели аның тавышы.

2011-2012 нче уку елында Күәм урта мәктәбен 10 укучыбыз тәмамлый. Имтиханнарда уңышлар телибез сезгә!

23 май көнне районда сәләтлеләр җыены булып узды. Безнең мәктәптән 4 укучы катнашты: 11 сыйныф укучылары Галиев Ильяс - Республикакүләм Х. Бәдигый исемендәге фәнни-гамәли конференция 3 урын, Нәҗипов Илназ - "Парламент дәресләре - 2012" 1 урын, 10 сыйныф укучысы Ганиева Рамилә - "Тукай - публицист" җиңүче, 9 сыйныф укучысы Хөснетдинова Лилия - татар теленнән регионара КФУ олимпиадасы 3 урын. Котлыйбыз!

23 нче май көнне Дусым авылында туып үскән якташ язучыбыз Радик ага Фәизовның туган көне уңаеннан Дусым мәдәният йортында очрашу булып узды. Бу очрашуга язучының тормыш иптәше Дамира ханым һәм әдипнең якын дуслары, каләмдәшләре килде. Күәм урта мәктәбе укучылары язучының тормыш юлы һәм иҗатына багышланган әдәби-музыкаль сәхифә тәкъдим иттеләр. 

19 май көнне район күләмендә оештырылган В.И.Ленин исемендәге Бөтенсоюз пионер оешмасының 90 еллыгына багышлаган "Дуслык учагы - 2012" фестивалендә С.Шакир исемендәге балалар оешмасы командасы түбәндәге станцияләрдә:

- "Лучший палаточный городок" - 1 урын;

- "Песенная" - 2 урын;

- "Игровая" - 1 урын;

 - "Историческая" - 1 урын;

- "Юный барабанщик" - 1 урын;

- "Визитка" - 1 урыннарны яулап, команда беренчелегенә иреште. Алар: Сафин И. (5 кл), Борханов А. (6 кл), Фазылҗанова Г. (6 кл), Ганиева Г. (6 кл), Хисмәтуллина З. (6 кл), Төхфәтуллин С. (6 кл), Холмуродов Ф. (6 кл), Мортазина З. (8 кл), Гыйләҗева Ә. (8 кл), Сираҗиев Н. (7 кл) һәм җитәкчеләре Садриева А.Г. Котлыйбыз! Яңа уңышлар сезгә.

10 нчы сыйныф укучылары өчен 17-19 майга кадәр Каенсар урманында хәрби җыен булып үтте. Мондый җыеннарда катнашу егетләрдә физик һәм рухи яктан ныклык тәрбияли. Безнең мәктәп укучысы Хәйретдинов Руслан чараларда актив катнашканы өчен грамота белән бүләкләнде.

16 май көнне Күәм урта мәктәбе базасында район ветераннар советы утырышы узды. Кунаклар "С.Шакир" һәм "Туган якны өйрәнү" музейлары эшчәнлеге белән таныштылар. "Онытмыйбыз сезне ветераннар" исеме астында "Эзтабар" түгәрәгенең ветераннар белән элемтәсен чагылдырган презентация карап үттеләр. Обелискка венок куйдылар.

Мәктәп яны тәҗрибә участокларында кызу эш вакыты. Укучылар җир казу, түтәл ясау эшләрен башкардылар. Яшелчәләрдән суган, кишер, чөгендер утыртылды.

12 май - халыкара урман утырту көне уңаеннан агач утырту акциясендә мәктәп укучылары теләп катнаштылар. Мәктәп территориясенә, мәчет һәм мәдәният йорты янына имән, нарат агачы үсентеләре утыртылды.

Район күләмендә уздырылган спорт бәйрәмендә укучылар теләп катнаштылар. 8 нче сыйныф укучысы Муртазина Зөһрә  биеклеккә сикерү буенча 2 урынга лаек булды. Котлыйбыз. 

"Ашыт" Дәүләт табигать заказнигы үткәргән "Марш парков-2012" конкурсында укучылар бик теләп катнаштылар . Барлык укучыларга дипломнар тапшырдылар. 3 сыйныф укучысы Газизова Зөһрә, 5 сыйныф укучысы Садриева Энҗе, 6 сыйныф укучысы Хисмәтуллина Зөһрә "Лукоморье" номинациясе буенча III дәрәҗә дипломга һәм йомшак уенчыкка ия булдылар. Табигатьне саклау безнең бурыч.