Район күләмендә "Сыйныф җитәкчесе -2012" конкурсында башлангыч сыйныф укытучысы Сафина Резеда Рашат кызы 1 урынны яулады.Котлыйбыз, иҗади уңышлар телибез.

2012-2013 уку елының 1 чиреге нәтиҗәләре буенча  ата-аналар җыелышы булды. Хокук айлыгы  уңаеннан профилактик эшчәнлек буенча районның балигъ булмаган балалар белән эшләү комиссиясе вәкиле Багаветдинова Найлә Наил кызы әти-әниләр каршында чыгыш ясады, "Төнге вакыт"  турында аңлатып, тәкъдимнәрен җиткерде. 

Районкүләм армспорт бәйгесендә 11 сыйныф укучысы Хәйретдинов Руслан, укытучысыЗарипов Булат, 1урын яулады.Котлыйбыз!

24 октябрь көнне 8 сыйныф укучысы Сираҗиев Нуршат , укытучысы Садриев Равил, Яр Чаллы шәһәрендә оештырылган республикакүләм "Татарстан дигән Ватаным бар, татар дигән халкым бар минем " конкурсында катнашып, уңышлы чыгыш ясап кайтты.

19 октябрь көнне, җәйге  хезмәт чиреген йомгаклап, "Уңыш бәйрәме" үткәрелде. Укучылар махсус программа буенча әзерләнеп, матур чыгыш ясадылар. Куандырганы шул:  "Тукай"  һәм "Дусым"  ҖЧҖ җитәкчеләре укучыларны  акчалата  һәм, авыл хуҗалыгын үстерүдә куйган хезмәтләрен бәяләп, Грамоталар белән дә бүләкләп үттеләр.

Мәктәптә теннис буенча мәктәп беренчелегенә  ярышлар бара . Җиңүчеләр район турында катнаша.

16 октябрь көнне 6 сыйныф җитәкчесе Садриев Равил Мөхтәр улы "Хәтер битләренә язамын, фаҗигасын олуг Казанның " темасына мәктәп күләмендә ачык тәрбия сәгате үткәрде.

17 октябрь көнне 8-10 сыйныфларда Хәтер көненә багышланган информацион дәресләр узды.

2-4 сыйныфларда "Хәтер көне" уңаеннан мероприятие оештырылды. Укытучы -  Борһанова Римма .

 Башлангыч сыйныф укучылары арасында "Фәнсөярләр көч сынаша " уены башланып китте. 

Хокук айлыгы уңаеннан  Әтнә районы балигъ булмаган балалар белән эшләү комиссиясе рәисе,  "Изгелек" оешмасы  социаль  педагогы, район мәдәният бүлегенең мәгълүмати үзәк методисты, УЙ директоры катнашында 12 октябрьдә очрашу булды. Яшүсмерләрнең проблемалары турында эшлекле сөйләшүдә укучыларга кирәкле киңәшләр бирелде.