Бүген лагерьда, “Россия көне” турында сөйләшү, “РФ символикаларын беләсеңме?” дигән бәйге үткәрелде. Авыл буйлап экскурсия, “Минем авылым” -асфальтка акбур белән рәсем конкурсы, Рәй чишмәсен чистарту, дару үләннәре белән танышу һәм җыю балаларга бик ошады.Кул эшләре түгәрәгендә табигый материаллардан композиция ясадылар.

Иртәнге зарядкадан соң, балалар ,  Г. Тукай әсәрләренә рәсем конкурсы үткәрелде.

Бүген лагерьда бик күңелле көн. “Иң оста әкиятче” бәйгесеннән соң, отрядлар арасында әкиятләр сәхнәләштерү ярышы үткәрелде. Балалар берсеннән-берсе оста, мавыктыргыч чыгышлар тәкъдим иттеләр. Шахмат ярышы булгач, кул эшләре түгәрәге - “Мастерская поделок” үз эшен башлап җибәрде. Балалар пластилиннан әкияти сыннар әвәләделәр.

Бүген лагерьда иртәнге зарядкадан соң, "Күзләрне ничек сакларга?" дигән темага сәламәтлек минуты үткәрелде.Татарстанда Бөтендөнья су спорты ярышларын каршылап - видеофильм карау, очрашу, балалар күңеленә хуш килгәндер. "Күңелле стартлар" уенында да балалар теләп катнаштылар.

Бүген лагерьда күңелле очрашу булды. Инглиз теле укытучысы Галиева З. И. балаларны Англиягә читтән  торып сәяхәткә алып барды. Инглиз телендә уеннар уйнау, "Инглизчә беләсеңме?" дип исемләнгән КВН да балалар күңеленә хуш килгәндер дип уйлыйбыз. Тәмле әбәттән соң, балалар Андерсен әкиятләренә рәсем ясадылар. 

"Россияда - Әдәбият елына" карата Ш.Мәрҗани музеена үткәрелгән сәяхәттән соң, сәнгатьле шигырь укучылар конкурсы булып узды. "Утлы еллар кайтавазы" дип исемләнгән конкурста балалар сугышта катнашкан шагыйрьләрнең әсәрләрен укыдылар. Мәктәп яны тәҗрибә участогында эш дәвам итә. "Яралы балачак" китабыннан өзекләр тыңладылар. Отрядлар арасында футбол ярышы үткәоелде.

Татарстан пионериясенә-92 ел тулу уңаеннан пионер атрибутлары, символлары, тарихы искә төшерелде, җырлар, уеннар өйрәнелде. "Яралы балачак" китабына презентация үткәрелде. Китапка кертелгән  авылдашыбыз Камилә апа Мөхәммәтҗанованың "Йөрәкләр сыкрады" мәкаләсе белән таныштык.

"2015 ел - Татарстанда Парклар һәм скверлар елы " уңаеннан викторина үткәргәннән соң, ял итүчеләр Ашыт елгасы буена экскурсиягә кузгалдылар. Балык тотып, туризм серләрен ачыклап, рәхәтләнеп ял иттеләр.Хезмәт лагеренда йөрүчеләр мәктәп яны тәҗрибә участогында эшләүләрен дәвам итәләр.

Бүген 9 класс укучылары рус теленнән ОГЭ тапшырдылар.

Сәламәтлек минуты "Тешләрегезне саклагыз" темасына багышланды.Хәзинә эзләү, детектив фильм карау балаларга бик ошады. Шашка ярышы үткәрелде.Кул эшләре түгәрәгендә дә теләп шөгыльләнделәр.