Иртәнге зарядкадан соң лагерьны ачу тантанасы үткәрелде. Балалар отряд почмаклары ясадылар, "Исәнме, лагерь!" дискотекасында рәхәтләнеп биеделәр.

Бүген, Күшәр төп белем бирү мәктәбе каршында оештырылган "Әкият" лагере үзенең эшен башлап җибәрде.Ял һәм сәламәтләндерү лагерена 24 бала, хезмәт лагерена 5 бала йөри. Балаларга күңелле, имин яллар теләп калабыз.

Бөек Җиңүнең 70 еллыгына багышланган  "Дуслык учагы-2015"  фестивалендә  үткәрелгән ярышларда мәктәбебез командасы  "Салют, Победа" отчет-презентация" номинациясендә 3 нче урын яулады. Котлыйбыз аларны!

Укучыларыбыз елдагыча уку елы ахырында табигатькә кунакка чыга. Бүген дә 5 нче сыйныфлар бу матур традицияне бозмыйча, көннәрен күңелле үткәреп кайттылар.

Бүген без, башлангыч сыйныф укучылары,  Күшәр авылы хезмәтчәннәре белән очраштык.Авыл хуҗалыгы объектларында булдык. Чын мәгънәсендә авылыбыз белән горурландык.

Бүген 9 класс укучылары математикадан ОГЭ бирделәр. Аларга җиңел чишелешле биремнәр теләп калыйк!

Иске Кишет авылында урнашкан (Арча районы)Советлар Союзы Герое Гани Сафиуллин музеенда булдык. Музей җитәкчесе Гөлфия апа, безне  Гани Сафиуллинның тормыш юлы, Бөек Ватан сугышында күрсәткән батырлыклары, сугыштан соң башкарган эшләре  белән таныштырды. Гани Сафиуллин батырлыгы соклану һәм горурлык хисләре  тирәнәйтте.

12 нче майда 9 класс укучылары татар теленнән ОГЭ эшләгәннәр иде. Безнең мәктәп укучылары бу имтиханны әйбәт кенә бирделәр. Аларны бу уңышлары белән котлыйбыз. Алдагы имтиханнарда уңышлар телибез.

Без, башлангыч сыйныф укучылары бүген( 25нче май) Ташкы елгага экскурсиягә бардык.   Кызыклы уеннар уйнадык, көлдек, шаярдык, рәхәтләнеп ял иттек.   Көлгә күмеп пешерелгән   бәрәңгене  һәрберебез яратып ашады. Кояш та җылы нурлары белән безне иркәләде. 

Көтеп алган җәйге каникуллар якынлаша. Уку елы ахырында барлык класслар да табигать кочагында булырга, туган ягыбызның гүзәллеген күреп кайтырга ашыга. Экскурсия, походларга бару аларны тагын да якынайта, коллективизм хисләре тәрбияли