Район мәдәният үзәге тарафыннан оештырылган конкурста  мәктәбебезнең курайчылар ансамбле беренче урынга лаек дип табылды.

"IT-чемпион" конкурсында приз алучылар.

Саба авыл хуҗалыгы лицеенда укучы егетләребез Рәзил, Айнур, Ранил  8-9 нчы сыйныф укучылары белән очрашуга килделәр. Егетләр үзләре укыган уку йорты турында бик күп мәгълүмат бирделәр, яшәү, уку шартларының яхшы булуы турында сөйләделәр. Файдалы очрашуны оештырган өчен 9 нчы сыйныфның җитәкчесе Гайфуллин Г.Г. ка бик зур рәхмәт.

Физик тәрбия укытучылары Галимов И.М., Гайфуллин Г.Г. 5-9 сыйныф егетләре арасында "Замана егетләре" бәйгесен үткәрделәр. Егетләр командаларга бүленеп тә, аерым-аерым да ярыштылар. Ярышлар егетләрне спорт ягыннан да, интеллектуаль яктан да бәяләрлек итеп сайлап алынган иде.

2 нче сыйныф укучылары Әлфис һәм Талия, 4 нче сыйныфтан Зилия Малмыж шәһәрендә үткәрелгән "Татар шагыйрьләре туган тел турында" регионара шигырь сөйләүчеләр конкурсында катнаштылар. Әлфис призер булып танылды, укучыларның өчесенә дә бүләкләр, дипломнар тапшырылды.

8 нче сыйныф укучысы Низамов Рөстәм Мамадышта "Сабантуй" газетасы призына уздырылган көрәш бәйгесендә 2 нче урынны яулап алып кайтты. 

Хәрби бурычларын үтәгәндә һәлак булган авылдашлар истәлегенә оештырыла торган волейбол ярышының быел 35 нчесе үткәрелде. Ярышта барлыгы 6 команда катнашты. 1 урын - АВЫЛ-1, 2 урын - АВЫЛ-2, 3 урын - укытучылар, 4 урын - АРБОРГАЗ командалары. Актив катнашкан барлык уенчыларга һәм тамашачыларга зур рәхмәт белдерәбез. Ярышның төп хөкемдары - Галимов И.М.

22 нче февраль көнне башлангыч сыйныфлар өчен "Мальчиш-Кибальчиш -2016" уены үткәрелде.

22 февраль көнне зур сыйныфлар өчен "Аҗаган - 2016" уздырылды. Укучылар ярышларда бик актив катнаштылар. Соңыннан казанда пешкән тәмле аш, бәрәңге, чәй белән сыйландылар.

Башлангыч сыйныфлар өчен "Рәсемнәрдә- Җәлил геройлары" исеме астында рәсем бәйгесе үткәрелде..