Мәктәп укучыларына чәчтараш һөнәренең серләре турында сөйләргә мәктәбебезгә парихмахерлар килде. Алар укучыларның сорауларына җаваплар бирделәр, прическалар ясау буенча мастер-класслар күрсәттеләр һәм билгеле, теләгән кешенең чәчен дә кистеләр.

24 нче октябрь көнне "Кама" күмәк хуҗалыгы призына уздырылган армспорт ярышында мәктәбебездән барган дүрт укучыбыз да - 8 нче сыйныф укучылыры Гөлфинә, Алсу, Алмаз, Рөстәм -  призлы урыннарны яулады. Тренерлары: Галимов И.М.

Һәр атна дүшәмбе көнне  узып киткән атнага йомгак ясау, нәтиҗә чыгару, уңышларны билгеләү, кисәтүләр ясау өчен иртәнге линейка уздырыла.

Шимбә көн булса  да, бүген мәктәптә күпкырлы талант иясе, галим Азат Зыятдинов белән очрашу  оештырылды. Азат абый үзенең матур сөйләме, оста итеп сөйләнгән шигырьләре, моңлы тавышы белән   бөтен кеше күңелендә дә соклану уятты. Очрашу кичәсен оештыручы -  авылдашыбыз, "Шәһри Казан" газетасының редактор урынбасары Зөлфия апа  Хәлиуллина.

Иң күп макулатура тапшыручылар - 8 нче сыйныф укучысы Йосыпова Алсу һәм 3 нче сыйныфтан Аухадиев Илдан.

7 нчеләр сыйныф җитәкчеләре Габделхакова Р.Г. белән берлектә  5-9 сыйныфлар өчен бик матур бәйрәм - "Көзге бал" кичәсе үткәрделәр. Бәйрәм күңелле, уеннарга бай булды.

Арбор мәктәбе һәм авыл китапханәчеләре Шәйхиева Г.С., Һадиева Р.А. башлангыч сыйныф укучыларына "Мәдәни көндәлек" тапшырдылар. 

7-8 сыйныф укучылары профессия сайларга булышу юнәлешендә тест үттеләр.

Мәктәп китапханәчесе   Шәйхиева Г.С. 1-4 сыйныфлар өчен "Мәдәният дәресе" үткәрде. Ул балаларны Татарстан Республикасының истәлекле, тарихи, матур урыннары, биналары белән таныштырды.

Арбор мәктәбендә эшләп, хәзер лаеклы ялда булган хезмәткәрләр белән очрашу кичәсе үткәрелде. Соңыннан өлкәннәр, бергә эшләгән елларын сагынып сөйли-сөйли, тәмләп чәй эчтеләр.