Түнтәр урта мәктәбендә Арбор һәм Түнтәр укытучылары өчен Сингапур методлары  буенча укулар оештырылды.

7 нче сыйныф укучылары Пыжмара мәктәбенең 7 нче сыйныф укучылары белән очрашуга бардылар. 

Мәктәп буенча антикоррупцион эшчәнлек алып барыла. Тарих һәм җәмгыять белеме укытучысы Гайфуллин Г.Г. бу темага багышлап стенд эшләп куйды. Шулай ук сыйныф җитәкчеләре балаларга коррупциянең мәгънәсен анлату өчен тәрбия сәгатьләре үткәрделәр.

Инвалидлар декадасы башлану уңаеннан сыйныфларда тәрбия сәгатьләре узды. 6 нчы сыйныфлар райондашыбыз Чулпан Габделганиеваның тормыш юлы, иҗаты, спорттагы уңышлары белән таныштылар.

30 нчы ноябрь көнне мәктәпкүләм әти-әниләр җыелышы уздырылды. Җыелышта балигъ булмаган балалар белән эшләү инспекторы Шакирова Ләйсән Маратовна катнашты һәм әти-әниләргә райондагы балалар белән бәйле тәртипсезлекләр, тәртип бозган очракларда штраф, җәзалар, кичке патруль турында җентекләп аңлатты.  

  Әниләр бәйрәменә багышлап мәктәп коллективы мәдәният йортында җыр-биюләргә бай булган концерт куйды.  

 Предмет олимпиадаларының муниципаль этабында 5 нче сыйныф укучысы Шәйхиева Язгөл рус теле буенча җиңүче булды. Язгөлне һәм укытучысы Конькина Е.Ф. ны чын күңелебездән бу уңышлары белән котлыйбыз, сәламәтлек телибез. 

1 нче сыйныфлар кошларга җимлек куйдылар.

Бүген 4, 6, 8 нче сыйныфлар инглиз теленнән мониторинг үттеләр. 

4 нче сыйныф укытучысы Әхмәтҗанова А.Ш. әти-әниләр өчен үз сыйныфында татар теленнән "Исем темасын кабатлау" буенча ачык дәрес үткәрде.