Февраль, нигездә, мәктәпләрдә очрашулар ае буларак билгеле. Шундый очрашуларның берсе 13нче февраль көнне Арбор мәктәбендә үтәчәк.

"Яшьлегем тукталышы" дигән очрашу кичәсенә Арбор мәктәбендә эшләгән укытучылар чакырыла.

13 нче февраль көнне кичке 19.00 сәг тә очрашуны мәктәпне  10, 20, 30, 40, 50 ел элек тәмамлаучылар дәвам итәчәк. 

Барыгызны да очрашуларга көтеп калабыз!

"Мирас" укучылар оешмасы бүгенге тәрбия дәресендә  укучыларга герой-шагыйр Муса Җәлил, аның тормыш юлы, иҗаты турында бик күп файдалы, кызыклы мәгълүмат бирде.  Материал табып, чыгышлар әзерләгән  Алсу, Гөлсөя, Рәмзиягә бик зур рәхмәт. 

Спорт айлыгы кысаларында башлангыч сыйныфлар арасында шахмат ярышы үткәрелде.

Татар теле һәм әдәбияты укытучысы Габделхакова Р.Г. "Ел укытучысы-2016" бәйгесендә катнашты һәм бик матур эш  күрсәтте.

Китапханәче Рафилә апа Һадиева 6 нчы сыйныф укучылары белән Әдәплелек дәресе үткәрде, укучыларга тәрбия турында бик күп матур фикерләрен җиткерде.

Бертуган Әхмәдиевлар призына уздырылган көрәш мәктәбебез өчен уңышлы булды: катнашучыларыбызның барысы да призлы урыннар яулады.

28 нче январь көнне мәгариф хезмәткәрләре арасында уздырылган Кышкы спартакиада ярышларында мәктәбебез командасы төп мәктәпләр арасында беренче булды.

Белемле кеше меңне егар, дип  5 нче сыйныфлар тырышып укыйлар. Алар бүген математикадан контроль эш эшләделәр.

7 сыйныф укучысы Гаязетдинова Рәмзия һәм 8 нче сыйныфтан Сабитова Алсу армспорт буенча 2нче һәм 3 нче урыннарны алып кайттылар.

5 нче сыйныф укучысы Шәйхиева Язгөл яхшы уку белән беррәттән, конкурсларда да актив катнаша - рус әкиятләре буенча үткәрелгән дистанцион викторинада катнашып, 50 мөмкинлектән 47 балл туплады.