Мәктәбебездә Бөек Җиңүнең 70 еллыгы уңаеннан авылыбызның иң хөрмәтле кешеләре - тыл ветераннары белән очрашу кичәсе оештырылды. Очрашуда укытучылар "Кырык бернең арбалы хатыннары" әсәреннән өзек күрсәттеләр.

Кичә 4 нче сыйныф укучылары рус теленнән мониторинг үттеләр, үзләренең нинди белемгә ия булуларын билгеләделәр.

ГТО нормаларының  алга иелү  этабын тапшыру бара. 

Укучыларыбызның уку буенча алдынгы булуларын һәрвакыт шатланып кабул итәбез, тырыш, акыллы, белемле балалар булуына сөенәбез. Шундый укучыларыбызның иң-иңе булган  7 нче сыйныф укучысы Гарипова Гөлсөя район олимпиадаларындагы уңышлары өчен район мәгариф идарәсенең Рәхмәт хаты белән бүләкләнде. Гөлсөянең алдагы елларда да тырышып укуын, сәламәт булуын теләп калабыз.

Бөек Җиңү көненә багышлап укучыларыбыз төрле чараларда катнашалар. 7 нче сыйныф укучысы Гарипова Гөлсөя "Яшь программист" конкурсының район этабында Җиңүгә багышланган "Компьютер презентациясе" номинациясендә призер булды. Афәрин, Гөлсөя!

В рамках декады родного языка проводилось внеклассное мероприятие для 6-7 классов "Красота человеческая". 

Татар теле буенча олимпиаданың 2 нче турында җиңүчеләр: 5 сыйныфтан Габделхаков Нияз, 6 сыйныфтан Гаязетдинова Рәмзия.

Табигатҗ атналыгы кысаларында уздырылган викторина сорауларына иң тулы җавап бирүчеләр: 7 нче сыйныфтан - Алсу белән Гөлфинә, 6 нчы сыйныфтан - Рәмзия белән Гөлшат.

28 февральдән мәктәп буенча "70 еллыкка 70 "5"ле" акциясе башланып киткән иде. Бу атна ахырында аның нәтиҗәләре дә билгеле булачак. Тагы бер атна буе укучылар "5"леләр сафын арттыра алалар әле.

Тыл верераннары, сугыш чоры балалары  белән очрашулар үткәргәндә иң сокландырганы - өлкәннәрнең хәтерле булуы. Ул еллар, көннәр турында алар бөтен нечкәлекләре белән сәгатьләр буе сөйли алалар. Әбиләрнең сөйлисе килә. Шуңа күрә алар белән ешрак очрашырга кирәк. Шушы сәбәп белән 3 нче сыйныф укучылары сыйныфташлары Зилиянең әбисендә кунак булдылар.