5 нче сыйныф укучылары тыл ветераннары Хәсәнова Мәүлиха һәм Нәсимә апаларда кунакта булдылар. Мәүлиха апа, үзләренең авыр тормышта яшәүләренә дә карамастан, югалып калмауларын, үзенең 20 ел бригадир булып эшләвен, депутат булып Мәскәүгә кадәр баруын сөйләде. 

Табигать фәннәре атналыгы кысаларында башлангыч сыйныф укытучысы Әхмәтханова Ә.М. Кошлар көненә багышланган чара үткәрде. Чара кошлар турында  җырлар һәм шигырләр, уеннар белән үрелеп барды. 

6 апрелҗ көнне мәктәптә әти-әниләр университеты үткәрелде. Администрация тарафыннан 3 нче чирек нәтиҗәләренә, туклану өчен түләүнең артуына китерүче сәбәпләргә,  укучыларның тәртибенә җентекле анализ ясалды, Җиңүнең 70 еллыгын уздыруга эшләр планлаштырылды.  Соңыннан җыелышлар сыйныфларда дәвам итте.

Бөек Җиңүнең 70 еллыгына багышлап үткәрелгән "Подвигу жить в веках" фәнни-гамәли конференциясендә актив катнашканы өчен Сабитова Гөлшат (җитәкчесе Мифтахова Р.Б.) бүләкләнде.

"Подвигу жить в веках"  фәнни-гамәли конференциясендә актив катнашканы өчен 7 сыйныф укучысы Юсупова Алсу диплом белән бүләкләнде.

Укытучыларыбыз Гайфуллин Г.Г., Гарипова Г.Р, Габидуллина Н.А. Бөек Ватан сугышы темасы буенча үткәрелгән брейн-рингта катнашып кайттылар.

4 сыйныф укучысы Шәйхиева Язгөл А.Н. Толстой иҗаты буенча үткәрелгән Бөтенроссия  викторинасында катнашып, сертификат алды.

Мәктәптә Бөек Җиңүнең эмблемасы сурәтләнгән  һәм файдалы материаллар тупланган стенд ясалды.

Татар теле. инфо олимпиадасының бер төркем җиңүчеләре.