Бүген туган ягыбызны, туган җиребезне зурлап патриотик җырлар конкурсы узды. Укучыларыбыз белән «Гүзәл туган ягыбыз», «Мин яратам сине Татарстан», «Татарстан гимны»н башкардык. Укучыларыбызныӊ һәркайсы бик актив булды. Иӊ-иӊнәренә истәлекле бүләкләр тапшырылды.

ГТО – нәрсә ул? Отрядлар арасында спорт уеннарыннан торган ярышлар узды. Спорт уеннарына багышланган викторина буенча көч сынаштылар.

Көнебез саф һавада зарядка белән башланып китте. Тәмле аштан соң ЮХИДИ хезмәткәрләре белән очраштык. Алар белән төрле уеннар уйнадык, юл йөрү кагыйдәләрен искә төшереп үттек. Очрашу безнең өчен бик файдалы булды.

Бүген –тарих көне. Һәркем үзенең үткәнен белергә, кадерләргә тиеш. Безгә үзебезнең туган җиребезнең, авылыбызның тарихы үткәне белән хәбәрдар булырга кирәк. Һәрберебез тарих, нәсел агачы турында белешмәләр туплап килгән иде. Шуның белән уртаклашты. Авылыбызныӊ тарихын тирәнтен белү максатыннан «Бөр чишмәсе» неӊ башланган урынына бардык, аныӊ тәмле суларын эчеп кайттык

12 июнь - Рәсәй көне буларак билгеләп үтелә. Без дә моннан читтә калмадык. Мәдәният хезмәткәрләре белән берлектә Сабантуй җирендә кызыклы уеннар уйнадык, таштан Рәсәй флагын ясап буядык, плакатлар, рәсемнәр ясадык. Рәсәйнеӊ гимнын җырладык. Әлеге көннеӊ тарихы белән таныштык.

Бүген җилле булса да көнебезне бик күңелле үткәрдек. Шахмат, шашка ярышлары уздырдык. Җиңүчеләр билгеләнде. Төшке аштан соң математика буенча “Олимпка юл” кичәсендә катнаштык.

Үзебезгә бик күп мәгълүмат алдык.

Табигатькә экскурсия бик файдалы булды.Спорт мәйданчыгында төрле уеннар уйнаганнан соӊ , пешекче апаларыбызныӊ тәмле ашлары белән сыйландык. Аннан соӊ рус теленнән “Олимпка юл” уены уйнадык. Алдагы көн тәртибе белән танышканнан соӊ, көнгә йомгак ясалгач өйләргә таралыштык.

Бүгенге көн безнең өчен бик тә кирәкле булды. Авылыбызныӊ шәхси эшмәкәрләренә кунакка бардык. . Б.Фазлыевныӊ агач эшкәртү цехында, И.Гильмуллинныӊ колбаса цехында, И.Хусаеновныӊ пластик тәрәзәләр ясау цехында булдык. Бу эш төрләре укучыларда төрле кызыксынулар уятты. Алар үзләренеӊ сорауларына матур җаваплар ала алдылар. Көн бик файдалы үтте.

Көн иртәнге зарядка белән башланды. Этика кагыйдәләре һәм ашау әдәбе белән таныштык. А.С.Пушкинның туган көне уңаеннан иҗаты, тормыш юлы буенча “Могҗизалар кыры” булды. Алдагы көнгә укучыларга биремнәр бирелде

Бүген лагерьның бишенче көне. Тәмле иртәнге аштан соӊ , саф һавада, сәламәтлекне ныгыту максатыннан спорт мәйданчагында туплы уеннар уйналды. Укучыларныӊ логик фикерләү сәләтен үстерү максатыннан мавыктыргыч « Үз уен» үткәрелде.